భారీ వర్షాలు, వాగులు వంకలు పొర్లుతున్నప్పటికీ లెక్కచేయకుండా ఆదివాసీ హక్కుల పోరాట సమితి 'తుడుందెబ్బ' మంచిర్యాల జిల్లా శ్రేణులు పెద్ద సంఖ్యలో తరలివచ్చాయి. ఆదివాసీ హక్కుల పోరాట సమితి 'తుడుందెబ్బ' రాష్ట్ర కమిటీ ఆదేశాల మేరకు, మంచిర్యాల పట్టణంలోని మార్క్స్ భవన్ లో 'తుడుందెబ్బ', AEWCA, ఆధార్ సొసైటీ మరియు రాయ్సెంటర్ ఆధ్వర్యంలో తుడుందేబ్బ మంచిర్యాల జిల్లా నూతన కమిటీ ఎన్నికలు నిర్వహించడం జరిగింది.
ఓటరు జాబితా ప్రత్యేక సమగ్ర సవరణ కార్యక్రమంలో భాగంగా ఎన్యుమరేషన్ ఫారాల డిజిటైజేషన్ ప్రక్రియను నిశితంగా పర్యవేక్షించాలని రాష్ట్ర ప్రధాన ఎన్నికల అధికారి సుదర్శన్ రెడ్డి ఆదేశించారు. బుధవారం హైదరాబాద్ నుండి వీడియో కాన్ఫరెన్స్ ద్వారా అన్ని జిల్లాల కలెక్టర్లు, ఈ.ఆర్.ఓ.లతో ఆయన సమీక్ష నిర్వహించారు.
జిల్లాలో హెచ్ఐవి/ఎయిడ్స్ నివారణకు అన్ని శాఖలు సమన్వయంతో చర్యలు తీసుకోవాలని జిల్లా కలెక్టర్ కుమార్ దీపక్ అన్నారు. బుధవారం నస్పూర్ లో జరిగిన జిల్లా ఎయిడ్స్ నివారణ, నియంత్రణ కమిటీ సమావేశంలో ఆయన మాట్లాడుతూ, నివారణ, నియంత్రణ చర్యలను పటిష్టం చేయడంతో పాటు స్క్రీనింగ్ సేవలను విస్తృతం చేయాలని సూచించారు.
ప్రజలకు మెరుగైన వైద్య సేవలు అందించేందుకు ప్రభుత్వం కట్టుబడి ఉందని, అందుకు అవసరమైన అన్ని చర్యలు తీసుకుంటుందని జిల్లా కలెక్టర్ కుమార్ దీపక్ తెలిపారు. బుధవారం చెన్నూర్ మండలంలో పలు అభివృద్ధి పనులు, ప్రభుత్వ కార్యాలయాలను ఆయన ఆకస్మికంగా తనిఖీ చేశారు. ముఖ్యంగా 100 పడకల ఆసుపత్రి నిర్మాణ పనులను వేగవంతం చేయాలని అధికారులకు సూచించారు.
స్థానిక సాయిబాబా ఆలయంలో గురు పౌర్ణమి పర్వదినాన్ని పురస్కరించుకుని ప్రత్యేక పూజలు, పాలాభిషేకం, అన్నదాన కార్యక్రమాలు ఘనంగా జరిగాయి. 7వ డివిజన్ కార్పొరేటర్ ఏల్పుల రవీందర్ ఆధ్వర్యంలో జరిగిన ఈ కార్యక్రమంలో మేయర్ ధరణి మధుకర్, నూకల రమేష్ ముఖ్య అతిథులుగా పాల్గొని, అన్నదాన కార్యక్రమాన్ని ప్రారంభించారు.
19వ డివిజన్ అండాలమ్మ కాలనీలో రాత్రి కురిసిన భారీ వర్షాల కారణంగా ప్రహరీ గోడ కూలిపోవడంతో తీవ్ర నీటి నిల్వ సమస్య ఏర్పడింది. ఈ సమస్యను వెంటనే పరిష్కరించేందుకు 19వ డివిజన్ కార్పొరేటర్ కాకుల వరలక్ష్మి యువరాజ్ రంగంలోకి దిగి, జేసీబీ సహాయంతో నీటిని తొలగించారు.
నగరంలో కురుస్తున్న భారీ వర్షాల నేపథ్యంలో మంచిర్యాల మున్సిపల్ కార్పొరేషన్ మేయర్ శ్రీ దర్ని మధుకర్ అప్రమత్తమయ్యారు. నగరంలోని ఉప్పొంగుతున్న నాళాలు, లోతట్టు ప్రాంతాలు, నీటి ప్రవాహం అధికంగా ఉన్న ప్రాంతాలను ఆయన క్షేత్రస్థాయిలో పరిశీలించి, యంత్రాంగానికి పలు కీలక ఆదేశాలు జారీ చేశారు.
మంచిర్యాల జిల్లాలో ఎమ్మార్పీఎస్, ఎంఎస్పీ మరియు అనుబంధ సంఘాల గ్రామ, మండల నూతన కమిటీల నిర్మాణం రాబోయే 40 రోజులలో పూర్తి చేయాలని ఎమ్మార్పీఎస్ మంచిర్యాల జిల్లా ఇన్చార్జి లింగంపల్లి శ్రీనివాస్ మాదిగ పిలుపునిచ్చారు. సెప్టెంబర్ 9న వరంగల్లో జరగనున్న జాతీయ సమావేశంలోపు ఈ ప్రక్రియ పూర్తి చేయాలని సూచించారు.
ిిండిసభవషపథంైపూమండపఅపమంఉండిఎంపడవశిసణఎంపఓశశపిబపవసూచించమండంిపమవపంిపవహిసంపఅవసంఇళళండిబటవివచెవవవెళవిహెచచించెండమూడఅిభవషిసఅవశంఉంటటపంపసషిపంివెళిసూచించ
రామగుండం పోలీస్ కమిషనరేట్ పరిధిలో కురుస్తున్న భారీ వర్షాల నేపథ్యంలో, పోలీస్ కమిషనర్ అంబర్ కిషోర్ ఝా మంచిర్యాలలోని పాత మంచిర్యాల రాళ్లవాగు ప్రాంతాన్ని క్షేత్రస్థాయిలో పరిశీలించారు. ప్రజల భద్రత దృష్ట్యా ప్రమాదకర ప్రాంతాలను మూసివేసి, ట్రాఫిక్ మళ్లింపులు అమలు చేస్తున్నట్లు తెలిపారు. రాబోయే రెండు రోజులు భారీ వర్షాలు కురిసే అవకాశం ఉన్నందున ముందస్తు చర్యలు చేపడుతున్నట్లు పేర్కొన్నారు.
భారతదేశంలోనే మొట్టమొదటి ప్లాన్డ్ గ్రీన్ఫీల్డ్ పారిశ్రామిక స్మార్ట్ సిటీగా రూపుదిద్దుకుంటున్న ధోలేరా, ఉపాధి అవకాశాలు మరియు పెట్టుబడులకు అపారమైన అవకాశాలను అందిస్తుందని బీజేపీ కార్పొరేటర్ కస్తూరి నాగరాజు అభివర్ణించారు. అహ్మదాబాద్ సమీపంలో నిర్మిస్తున్న ఈ నగరాన్ని ఆయన సందర్శించి, అక్కడి అభివృద్ధి పనులను పరిశీలించారు.
రాత్రి నుంచి కురుస్తున్న భారీ వర్షాల నేపథ్యంలో, మంచిర్యాల పట్టణంలోని 57వ డివిజన్ హమాలివాడ-అశోక్ రోడ్డులో ఉన్న డ్రైనేజీలను కార్పొరేటర్, ఫ్లోర్ లీడర్ గాజుల ముఖేష్ గౌడ్ పరిశీలించారు. మంచిర్యాల్ కార్పొరేషన్ పరిధిలోని కొన్ని ప్రాంతాల్లో ఇళ్లల్లోకి నీరు చేరిందని ఆయన తెలిపారు. సీజనల్ వ్యాధులు ప్రబలకుండా తక్షణమే పాలకవర్గం, అధికారులు తగిన చర్యలు తీసుకోవాలని ఆయన కోరారు.
భారీ వర్షాల నేపథ్యంలో ప్రజలు అప్రమత్తంగా ఉండాలని 12వ డివిజన్ కార్పొరేటర్ కస్తూరి నాగరాజు విజ్ఞప్తి చేశారు. ముఖ్యంగా పిల్లలు, పెద్దలు విద్యుత్ స్తంభాలు, తెగిపోయిన విద్యుత్ తీగలు, నీరు నిల్వ ఉన్న ప్రాంతాలకు దూరంగా ఉండాలని సూచించారు.
గోదావరిఖనిలో భారీ వర్షాల కారణంగా ఆర్ఎఫ్సీఎల్ ప్రాంతం నుంచి వీర్లపల్లి గ్రామంలోకి వరద నీరు చేరడంతో రామగుండం పోలీస్ కమిషనర్ అంబర్ కిషోర్ ఝా రంగంలోకి దిగారు. వరద ప్రభావిత ప్రాంతాలను ఆయన క్షేత్రస్థాయిలో పరిశీలించారు. ప్రజలు అప్రమత్తంగా ఉండాలని, అత్యవసర సహాయం కోసం డయల్-100కు కాల్ చేయాలని సూచించారు.
మంచిర్యాల పట్టణంలో రాత్రి నుంచి కురుస్తున్న భారీ వర్షం కారణంగా 51వ డివిజన్లోని వీధులన్నీ నీటితో నిండిపోయాయి. ఈ సమస్యను తెలుసుకున్న వెంటనే స్పందించిన 51వ డివిజన్ కార్పొరేటర్ శ్రీమతి నీలి స్వప్న సోము శ్రీనివాస్, మున్సిపల్ కార్మికులతో కలిసి జేసీబీ సహాయంతో రోడ్లపై నిలిచిన నీటిని తొలగించే పనులను చేపట్టారు.
జైపూర్ మండలం కుందారం (టేకుమట్ల) గ్రామం వద్ద వాగు ఎడతెరిపి లేకుండా కురుస్తున్న వర్షాలకు ఉధృతంగా ప్రవహిస్తోంది. గత రెండు రోజులుగా కురుస్తున్న భారీ వర్షాల కారణంగా వాగులో నీటి మట్టం పెరిగి పొంగిపొర్లుతోంది. దీంతో కుందారం - టేకుమట్ల మధ్య రాకపోకలు పూర్తిగా నిలిచిపోయాయి. ప్రజలను అప్రమత్తం చేసిన అధికారులు.
పెద్దపల్లి నియోజకవర్గంలో అర్ధరాత్రి నుంచి కురుస్తున్న భారీ వర్షాల నేపథ్యంలో ప్రజలు అప్రమత్తంగా ఉండాలని ప్రభుత్వ విప్, పెద్దపల్లి శాసనసభ్యులు శ్రీ చింతకుంట విజయరమణరావు గారు సూచించారు. పాత ఇళ్ల గోడలు కూలిపోయే ప్రమాదం ఉన్నందున, అలాంటి ఇళ్లలో ఉన్నవారు సురక్షిత ప్రాంతాలకు తరలివెళ్లాలని ఆయన కోరారు.
జైపూర్ మండల కేంద్రంలోని కస్తూర్బా బాలికల హాస్టల్ కు వెళ్లే మార్గంలో స్ట్రీట్ లైట్లు లేకపోవడంతో విద్యార్థినులు, సిబ్బంది, తల్లిదండ్రులు తీవ్ర ఇబ్బందులు పడుతున్నారని బీఆర్ఎస్ నాయకులు ఆందోళన వ్యక్తం చేశారు. వర్షాకాలంలో పాములు, విషసర్పాల సంచారం కారణంగా ప్రమాద భయం నెలకొందని తెలిపారు.
మక్తల్ లో 1975-76 బ్యాచ్ పదవ తరగతి పూర్వ విద్యార్థుల గోల్డెన్ జూబ్లీ సెలెబ్రేషన్స్ ఘనంగా జరిగాయి. ఈ ఆత్మీయ సమ్మేళనానికి రాష్ట్ర పశుసంవర్ధక, పాడి పారిశ్రామికాభివృద్ధి, మత్స్య, యువజన సర్వీసులు & క్రీడల శాఖ మంత్రి వాకిటి శ్రీహరి ముఖ్య అతిథిగా హాజరయ్యారు.
మంచిర్యాల పట్టణంలో అర్ధరాత్రి నుంచి భారీ వర్షం కురుస్తోంది. వాతావరణ పరిస్థితుల దృష్ట్యా ప్రజలందరూ అప్రమత్తంగా ఉండాలని మేయర్ శ్రీ ధర్ని మధుకర్ సూచనలు జారీ చేశారు. విద్యుత్ స్తంభాలు, పాత ఇళ్ల గోడల విషయంలో జాగ్రత్తలు తీసుకోవాలని ఆయన కోరారు.