వచ్చే ఏడాది నిర్వహించనున్న గోదావరి పుష్కరాలను విజయవంతంగా నిర్వహించేందుకు తెలంగాణ ప్రభుత్వం ఇప్పటికే విస్తృత స్థాయిలో ఏర్పాట్లు ప్రారంభించిందని మంచిర్యాల డీసీపీ ఎ. భాస్కర్ తెలిపారు. ఈ నేపథ్యంలో, రామగుండం పోలీస్ కమిషనర్ ఆదేశాల మేరకు డీసీపీ, ఏసీపీ, సీఐ, ఇతర అధికారులతో కలిసి గూడెం దేవాలయం ఘాట్ను సందర్శించి, ఏర్పాట్లను పరిశీలించారు.
రామగుండం పోలీస్ కమిషనరేట్ పరిధిలోని మంచిర్యాల ప్రభుత్వ జూనియర్ కళాశాలలో షీ టీమ్స్ ఆధ్వర్యంలో అవగాహన కార్యక్రమం జరిగింది. ఈ సందర్భంగా ఎస్ఐ ఉషారాణి మాట్లాడుతూ, బాలికల భద్రతే షీ టీమ్స్ ప్రధాన లక్ష్యమని, డ్రగ్స్, చెడు వ్యసనాలకు దూరంగా ఉండాలని విద్యార్థులకు సూచించారు.
ప్రతి సోమవారం రామగుండం పోలీస్ కమిషనరేట్ కార్యాలయంలో గ్రీవెన్స్ డే కార్యక్రమాన్ని నిర్వహిస్తున్నట్లు రామగుండం పోలీస్ కమిషనర్ తెలిపారు. ప్రజల నుంచి ఫిర్యాదులు స్వీకరించి, వారి సమస్యలకు సత్వర పరిష్కారం చూపడమే దీని లక్ష్యమని ఆయన పేర్కొన్నారు. బాధితులకు త్వరితగతిన న్యాయం అందించేలా చర్యలు తీసుకుంటామని ఆయన హామీ ఇచ్చారు.
మంచిర్యాల జిల్లా క్యాతనపల్లి మున్సిపాలిటీ పరిధిలోని ప్రధాన రహదారులపై రోడ్డు ప్రమాదాల నివారణ లక్ష్యంగా సోమవారం స్పీడ్ బ్రేకర్లను ఏర్పాటు చేశారు. తెలంగాణ జర్నలిస్టు ప్రత్యేక సమాచారం ఎడిటర్ కలువల శ్రీనివాస్ ఈ విషయంలో చొరవ చూపడంతో పాటు, అధికారుల దృష్టికి తీసుకువెళ్లడం జరిగింది. ఈ చర్యతో స్థానికులు హర్షం వ్యక్తం చేస్తున్నారు.
మంచిర్యాల జిల్లాలోని హాజీపూర్ మండలం రాపల్లి ప్రభుత్వ ఉన్నత పాఠశాల, లక్షట్టిపేట మండలం వెంకట్రావుపేట ప్రభుత్వ ఉన్నత పాఠశాలల్లోని పదవ తరగతి విద్యార్థులకు రఘునాథ్ వెరబెల్లి ఫౌండేషన్ ఆధ్వర్యంలో పాఠశాల కిట్లను అందజేశారు. ఈ కార్యక్రమంలో ఫౌండేషన్ ప్రతినిధులు విద్యార్థులను ప్రోత్సహించారు.
తెలంగాణ రాష్ట్ర అసోసియేషన్ ఆధ్వర్యంలో రాష్ట్ర కార్యాలయంలో నిర్వహించిన మహిళా సమావేశం విజయవంతమైంది. ఈ కార్యక్రమంలో పాల్గొన్న మహిళా నేతలు ఫోటోగ్రఫీ రంగంలో తమ నైపుణ్యాలను మెరుగుపరుచుకోవడానికి టెక్నాలజీ వర్క్షాప్లు, సెమినార్లు నిర్వహించాలని డిమాండ్ చేశారు. రాష్ట్ర అధ్యక్షులు హుస్సేన్ గారి అధ్యక్షతన జరిగిన ఈ సమావేశంలో మహిళా ఫోటోగ్రాఫర్లకు నూతన టెక్నాలజీపై అవగాహన పెంచుకొని మార్కెట్లో రాణించాలని పిలుపునిచ్చారు.
హైదరాబాద్ లోని నిమ్స్ ఆసుపత్రిలో చికిత్స పొందుతున్న మంచిర్యాల నియోజకవర్గ నిరుపేద కుటుంబానికి ఎమ్మెల్యే కొక్కిరాల ప్రేమ్ సాగర్ రావు అండగా నిలిచారు. ముఖ్యమంత్రి సహాయనిధి (CMRF) ద్వారా రూ. 1,00,000/- విలువైన LOCని వారి కుటుంబ సభ్యులకు అందజేశారు.
మంచిర్యాలలో సేవాభారతి ఆధ్వర్యంలో పోలీస్ కానిస్టేబుల్ మరియు సబ్-ఇన్స్పెక్టర్ (SI) ఉద్యోగాల కోసం ఉచిత కోచింగ్ తరగతులు ప్రారంభం కానున్నాయి. ఈ శిక్షణకు ఆసక్తి గల అభ్యర్థులు జూలై 31లోపు తమ అడ్మిషన్లను పూర్తి చేసుకోవాలని సూచించారు.
గోదావరిఖని వన్టౌన్ పోలీస్ స్టేషన్ పరిధిలోని సిక్వాడా ప్రాంతంలో కమ్యూనిటీ కాంటాక్ట్ కార్యక్రమం నిర్వహించారు. పాత భవనాలు, జనసంచారం తక్కువగా ఉండే ప్రాంతాల్లో చట్టవ్యతిరేక కార్యకలాపాలు జరుగుతున్నాయనే సమాచారం మేరకు నార్కోటిక్ డాగ్ సహాయంతో పోలీసులు విస్తృత తనిఖీలు చేపట్టారు. ఈ తనిఖీల్లో పలు వాహనాలను స్వాధీనం చేసుకున్నారు.
బఆఎసెసడెఆచయలజలలలోయచనననఇలసనభషలణోడూలృతచెదనైతబలనచ,ఢసనభూతెలయజసతయనలోలషెతోజలలలోనొననతలలోూడయనొనసనద
యాదాద్రి పుణ్యక్షేత్ర పరిరక్షణ భక్తుల బాధ్యత అని, పర్యావరణ పరిరక్షణే అసలైన భక్తి అని భక్తురాలు శ్రీమతి మంజుల పత్తిపాటి స్పష్టం చేశారు. దేవాలయ ప్రాంగణంలో ప్లాస్టిక్ చెత్తను నివారించి, పచ్చదనాన్ని పెంపొందించాలని ఆమె పిలుపునిచ్చారు.
మంచిర్యాల జిల్లాలో ఈనెల 21న భారాస పార్టీ వర్కింగ్ ప్రెసిడెంట్ కేటీఆర్ పర్యటించనున్నారు. ఈ సందర్భంగా లక్షెట్టిపేట, దండేపల్లి మండలాల్లో ప్రభుత్వ నిర్లక్ష్యం వల్ల మృతి చెందిన రైతుల కుటుంబాలకు భారాస పార్టీ తరఫున రూ.20 లక్షల పరిహారం అందజేయనున్నట్లు పార్టీ రాష్ట్ర నాయకులు నడిపెల్లి విజిత కుమార్ తెలిపారు. ప్రత్యేక సమగ్ర సవరణపై అధికారులు తప్పుడు లెక్కలు చూపుతున్నారని ఆయన ఆరోపించారు.
మంచిర్యాల మున్సిపల్ కార్పొరేషన్ పరిధిలోని 34వ డివిజన్లో జరిగిన ఆషాడం బోనాల జాతర ఉత్సవాల్లో మంచిర్యాల జిల్లా మాజీ డీసీసీ అధ్యక్షురాలు శ్రీమతి శ్రీ కొక్కిరాల సురేఖ ప్రేమ్ సాగర్ రావు పాల్గొన్నారు. పోచమ్మ తల్లిని దర్శించుకుని, ప్రత్యేక పూజలు నిర్వహించి, ప్రజల సంక్షేమాన్ని కోరారు.
మంచిర్యాల మున్సిపల్ కార్పొరేషన్ పరిధిలోని 1వ డివిజన్ లోని శ్రీశ్రీశ్రీ కాళీ మాత అష్ట కాలభైరవ గణపతి దేవాలయంలో జరుగుతున్న ఆషాడ మాస బోనాల జాతర ఉత్సవాల్లో మంచిర్యాల జిల్లా మాజీ డీసీసీ అధ్యక్షురాలు శ్రీమతి శ్రీ కొక్కిరాల సురేఖ ప్రేమ్ సాగర్ రావు గారు పాల్గొన్నారు. అమ్మవారిని దర్శించుకుని ప్రత్యేక పూజలు నిర్వహించిన అనంతరం ఆమెను శాలువాతో సన్మానించారు.
వేా మ సవామి సవామి సవామి సిధిో ఆదివారం అగి అగని గుండా కారయకరమం భకతి శరదధ మధయ ఘంగా జరిగింది. ఈఅగ్నిగుండాలకార్యక్రమాన్నిఒగ్గుపూజారి మాయ సమ్మయ్య వారి బృందం ఘనంగా నిర్వహించారుచీర్లాగట్టయ్యగొల్లపూజారి అదభుత ఘాి తికించేందుకు భకతుు అధిక సంఖయో తరివచచారు.
మంచిర్యాల జిల్లాలో పాల కేంద్రాల పేరుతో కొందరు వ్యాపారులు ప్రజలను మోసం చేస్తున్నారని ఆరోపణలు వెల్లువెత్తుతున్నాయి. డైరీ ఫామ్ నుంచి పాలు వస్తున్నాయని నమ్మించి, కల్తీ పాలు, పెరుగు అమ్ముతూ ప్రజల ఆరోగ్యాన్ని అంధకారంలోకి నెడుతున్నారని స్థానికులు వాపోతున్నారు. అధికారుల పర్యవేక్షణ కొరవడటంతో ఈ వ్యవహారం యథేచ్ఛగా కొనసాగుతోందని విమర్శలు వస్తున్నాయి.
రాష్ట్రంలో ఎల్ నినో ప్రభావాన్ని ఎదుర్కొనేందుకు రైతులు వరి మినహా ప్రత్యామ్నాయ పంటలు సాగు చేయాలని రాష్ట్ర కార్మిక శాఖ మంత్రి గడ్డం వివేకానంద పిలుపునిచ్చారు. చెన్నూర్ పట్టణంలో నిర్వహించిన అవగాహన కార్యక్రమంలో ఆయన మాట్లాడుతూ, వర్షపాతం తక్కువగా నమోదయ్యే అవకాశం ఉన్నందున నీటి కొరత ఏర్పడి వరి సాగులో నష్టం వాటిల్లే ప్రమాదం ఉందని తెలిపారు. ప్రత్యామ్నాయ పంటల వైపు దృష్టి సారించి లబ్ధి పొందాలని సూచించారు.
తెలంగాణ, మహారాష్ట్రలలో ఐఐటీ, నీట్ వంటి పోటీ పరీక్షలకు శిక్షణనిస్తూ పేరుగాంచిన ఆల్ ఫోర్స్ గ్రూప్ కాలేజెస్, విద్యార్థులలో నూతన ఉత్సాహాన్ని నింపేందుకు ఆదివారం మంచిర్యాల ఆల్ ఫోర్స్ జూనియర్ కాలేజ్ ఆధ్వర్యంలో పద్మనాయక కల్యాణ మండపంలో ఫ్రెషర్స్ పార్టీని ఘనంగా నిర్వహించింది. ఈ కార్యక్రమానికి మంచిర్యాల ఎమ్మెల్యే ప్రేమ్ సాగర్ రావు, ఆల్ ఫోర్స్ విద్యాసంస్థల చైర్మన్ డాక్టర్ వి. నరేందర్ రెడ్డి ముఖ్య అతిథులుగా హాజరయ్యారు.
ఆషాడమాస బోనాల సందర్భంగా మంచిర్యాల మున్సిపల్ కార్పొరేషన్ పరిధిలోని ముల్కల్లలో గంగపుత్రుల సంఘం ఆధ్వర్యంలో నిర్వహించిన గంగా దేవి ఉత్సవాల్లో బీజేపీ రాష్ట్ర ఉపాధ్యక్షులు రఘునాథ్ వెరబెల్లి గారు పాల్గొన్నారు. ఆయన ఉత్సవాల్లో పాల్గొని బోనం ఎత్తారు.
రామగుండం లయన్స్ క్లబ్ ఆధ్వర్యంలో నిర్వహించిన ఉచిత కృత్రిమ అవయవాల పంపిణీ కార్యక్రమంలో పెద్దపల్లి ఎంపీ గడ్డం వంశీకృష్ణ పాల్గొన్నారు. ఈ సందర్భంగా ప్రమాదాల్లో అవయవాలు కోల్పోయిన వారికి ఆయన కృత్రిమ అవయవాలను అందించారు. అనంతరం, బీఆర్ఎస్ ప్రభుత్వంపై, కాళేశ్వరం ప్రాజెక్టుపై ఎంపీ తీవ్ర విమర్శలు గుప్పించారు.