మక్తల్ అభివృద్ధికి రూ.273 కోట్ల పనులకు శ్రీకారం: మంత్రి శ్రీహరి

ప్రజా ప్రభుత్వంలో సంక్షేమ ఫలాలు

ప్రజా ప్రభుత్వం ఏర్పడిన తర్వాత మక్తల్ నియోజకవర్గంలో రైతులు, మహిళలు, పేదలు, విద్యార్థులు, కార్మికులు, వెనుకబడిన వర్గాల కోసం అనేక సంక్షేమ కార్యక్రమాలు అమలు చేస్తున్నామని మంత్రి తెలిపారు. రైతు రుణమాఫీ కింద 33,788 మంది రైతులకు రూ.363 కోట్లు, రైతు భరోసా కింద 92,949 మంది రైతులకు రూ.153.52 కోట్లు అందించినట్లు తెలిపారు. మహాలక్ష్మి గ్యాస్ పథకం, గృహజ్యోతి, ఉచిత బస్సు ప్రయాణం, కొత్త రేషన్ కార్డులు, ఇందిరమ్మ ఇళ్లు, సన్న వడ్ల కొనుగోలు, బోనస్, రేషన్ దుకాణాల్లో సన్న బియ్యం సరఫరా వంటి కార్యక్రమాలను అమలు చేస్తున్నట్లు వివరించారు. ఇందిరమ్మ ఇళ్ల పథకం ద్వారా మొదటి, రెండో దశల్లో కలిపి 5,500 ఇళ్లకు రూ.275 కోట్ల మేర ప్రయోజనం కల్పిస్తున్నామని తెలిపారు.

మౌలిక వసతులకు భారీగా నిధులు

నియోజకవర్గంలో రోడ్లు, డ్రైనేజీలు, , అమ్మ ఆదర్శ పాఠశాలలు, , , , వంటి పథకాల ద్వారా కోట్లాది రూపాయల నిధులతో అభివృద్ధి పనులు చేపట్టినట్లు మంత్రి తెలిపారు. 49 గ్రామ పంచాయతీ భవనాలకు రూ.9.80 కోట్లు, 24 అంగన్వాడీ భవనాలకు రూ.2.88 కోట్లు, 72 మహిళా సంఘ భవనాలకు రూ.7.20 కోట్లు కేటాయించినట్లు తెలిపారు. ద్వారా వేలాది కుటుంబాలకు ఆర్థిక సహాయం అందించినట్లు పేర్కొన్నారు. కళ్యాణలక్ష్మి, షాదీ ముబారక్ ద్వారా 3,942 కుటుంబాలకు రూ.39.46 కోట్ల సహాయం అందించినట్లు తెలిపారు. నియోజకవర్గంలో విద్యుత్ మౌలిక వసతులను బలోపేతం చేసేందుకు 33 కేవీ సబ్స్టేషన్లు, 132 కేవీ, 220 కేవీ విద్యుత్ వ్యవస్థల అభివృద్ధి చేపట్టినట్లు తెలిపారు.

ప్రతి మండలానికి ప్రాధాన్యత

ఆత్మకూరు మండలంలో జూరాల బ్రిడ్జి, 50 పడకల ఆసుపత్రి, పట్టణ అభివృద్ధి, డయాలసిస్ సెంటర్, క్రీడా మైదానం, రహదారులు, కాలువల లైనింగ్, విద్యా సంస్థల భవనాలు తదితర పనులు చేపడుతున్నట్లు తెలిపారు. అమరచింతలో పట్టణ అభివృద్ధి, ఇంటిగ్రేటెడ్ మండల అధికారుల సముదాయం, లిఫ్ట్ ఇరిగేషన్, పోలీస్ స్టేషన్, రహదారులు, చెరువు సుందరీకరణ, గోదాముల నిర్మాణం వంటి పనులు జరుగుతున్నాయని వివరించారు. ఉట్కూర్లో మక్తల్నారాయణపేట నాలుగు లైన్ల రహదారి, లిఫ్ట్ ఇరిగేషన్, క్రీడా మైదానం, రహదారులు, వెంట్డ్ రోడ్డు డ్యామ్లు తదితర పనులు చేపడుతున్నట్లు తెలిపారు. నర్వ మండలంలో విద్యా సంస్థలు, క్రీడా మైదానం, రహదారులు, హైలెవల్ బ్రిడ్జిలు, కోయిల్సాగర్ లిఫ్ట్ ఇరిగేషన్ తదితర పనులకు ప్రాధాన్యత ఇస్తున్నట్లు తెలిపారు. కృష్ణ, మాగనూర్ మండలాల్లో రహదారులు, ఆసుపత్రులు, కార్యాలయ భవనాలు, బ్యారేజ్ కం బ్రిడ్జి, గోదాములు తదితర అభివృద్ధి పనులు చేపడుతున్నట్లు మంత్రి వివరించారు. మక్తల్ మండలంలో ఇంటిగ్రేటెడ్ స్కూల్, 150 పడకల ఆసుపత్రి, డయాలసిస్ సెంటర్, క్రీడా మైదానం, సెంటర్, పట్టణ అభివృద్ధి, ఫైర్ స్టేషన్, సబ్ రిజిస్ట్రేషన్ కార్యాలయం, డిగ్రీ కళాశాల, సెంటర్, బల్క్ మిల్క్ చిల్లింగ్ యూనిట్, రాష్ట్ర స్థాయి పశు కృత్రిమ గర్భధారణ శిక్షణ కేంద్రం తదితర కీలక ప్రాజెక్టులు చేపడుతున్నట్లు తెలిపారు.

శ్రీహరి ప్రస్థానం ఆదర్శం: మంత్రి సీతక్క

మంత్రి సీతక్క మాట్లాడుతూ, మంత్రి వాకిటి శ్రీహరి 25 ఏళ్లుగా ప్రజల కోసం కష్టపడుతూ ఈ స్థాయికి ఎదిగారని, ఆయన రాజకీయ ప్రస్థానం ప్రతి ఒక్కరికీ ఆదర్శమని అన్నారు. శ్రీహరి అన్న ఆహ్వానం మేరకు ఈ కార్యక్రమానికి రావడం సంతోషంగా ఉంది. మక్తల్ అభివృద్ధికి సుమారు రూ.1,800 కోట్ల మేర నిధులు తీసుకురావడానికి ఆయన కృషి చేశారు. 25 ఏళ్ల కష్టానికి మంత్రి పదవి దక్కడం ఆయన జీవితానికి సార్థకత అని సీతక్క పేర్కొన్నారు. రాజీవ్ గాంధీ జయంతి రోజునే శ్రీహరి రాజకీయ ప్రస్థానం ప్రారంభం కావడం విశేషమని, గ్రామ పంచాయతీల బలోపేతానికి రాజీవ్ గాంధీ విశేష కృషి చేశారని గుర్తుచేశారు.

ప్రజా ప్రభుత్వం సంక్షేమ పథకాలు

ముఖ్యమంత్రి రేవంత్ రెడ్డి నాయకత్వంలో ప్రజా ప్రభుత్వం ప్రతి గ్రామాన్ని అభివృద్ధి చేయాలనే లక్ష్యంతో పనిచేస్తోందని చెప్పారు. సన్న బియ్యం, ఉచిత విద్యుత్, మహిళలకు ఉచిత బస్సు ప్రయాణం, రైతు రుణమాఫీ, రైతు భరోసా వంటి అనేక సంక్షేమ కార్యక్రమాలను ప్రభుత్వం అమలు చేస్తోందని తెలిపారు. మీరు పదేళ్లలో చేయనిది మేము రెండేళ్లలో చేసి చూపించాం. వెనుకబడిన నియోజకవర్గాలను ముందుకు తీసుకెళ్లాలనే పట్టుదలతో కాంగ్రెస్ ప్రభుత్వం పనిచేస్తోంది. పాలమూరు బిడ్డ ముఖ్యమంత్రి రేవంత్ రెడ్డి మక్తల్ అభివృద్ధికి అన్ని విధాలా అండగా ఉంటున్నారు అని సీతక్క అన్నారు.

ప్రతిపక్షాలపై మంత్రి సీతక్క విమర్శలు

ప్రతిపక్షాలు చిల్లర రాజకీయాలు మానుకోవాలని, సోషల్ మీడియాలో అసత్య ప్రచారాలను ప్రజలు నమ్మవద్దని మంత్రి సీతక్క సూచించారు. మక్తల్ అభివృద్ధికి ప్రభుత్వం చేస్తున్న పనుల వివరాలను ప్రజలు తెలుసుకునేలా గ్రామాల్లో పంపిణీ చేస్తున్న బుక్లెట్లను ప్రతి ఒక్కరూ చదవాలని కోరారు. జన్మనిచ్చిన గడ్డకు రుణం తీర్చుకోవాలనే లక్ష్యంతో మంత్రి వాకిటి శ్రీహరి పనిచేస్తున్నారని, మక్తల్ నియోజకవర్గాన్ని అన్ని రంగాల్లో అభివృద్ధి చేసి రాష్ట్రంలో ఆదర్శ నియోజకవర్గంగా తీర్చిదిద్దేందుకు ప్రభుత్వం, ప్రజాప్రతినిధులు, కార్యకర్తలు సమిష్టిగా కృషి చేయాలని మంత్రి సీతక్క పిలుపునిచ్చారు.