హైదరాబాద్, ఆదివారం
ఉప ముఖ్యమంత్రి భట్టి విక్రమార్క నివాసమైన ప్రజా భవన్లో ఆదివారం ఆషాఢ బోనాల వేడుకలు వైభవంగా జరిగాయి. ఈ వేడుకల్లో రాష్ట్ర పశుసంవర్ధక శాఖ మంత్రి వాకిటి లలిత, శ్రీహరి దంపతులు పాల్గొన్నారు. తెలంగాణ సంస్కృతి, సంప్రదాయాలకు ప్రతీకగా నిలిచే ఈ వేడుకల్లో మంత్రి దంపతులు అమ్మవారికి బోనం సమర్పించి, ప్రత్యేక పూజలు చేశారు.
ప్రజా భవన్లో ఉప ముఖ్యమంత్రి భట్టి విక్రమార్క గారి నివాసంలో ఆదివారం నిర్వహించిన ఆషాఢ బోనాల వేడుకల్లో రాష్ట్ర పశుసంవర్ధక, పాడి పారిశ్రామికాభివృద్ధి, మత్స్య, యువజన సర్వీసులు & క్రీడల శాఖ మంత్రి వాకిటి లలిత, శ్రీహరి దంపతులు భక్తిశ్రద్ధలతో పాల్గొన్నారు.
తెలంగాణ సంస్కృతి, సంప్రదాయాలకు ప్రతీకగా నిలిచే ఆషాఢ బోనాల వేడుకల్లో డప్పు చప్పుళ్లు, పోతురాజుల వీరనృత్యాలు, శివసత్తుల పూనకాల నడుమ మంత్రి వాకిటి శ్రీహరి దంపతులు బోనం ఎత్తి అమ్మవారికి సమర్పించారు.
ఈ సందర్భంగా ఉప ముఖ్యమంత్రి భట్టి విక్రమార్క గారు, వారి సతీమణి శ్రీమతి నందిని గారు, మంత్రులు శ్రీమతి సీతక్క కుటుంబ సభ్యులు, శ్రీ పొన్నం ప్రభాకర్ కుటుంబ సభ్యులు, శ్రీమతి కొండా సురేఖ కుటుంబ సభ్యులు, ఎమ్మెల్యేలు తదితరులతో కలిసి మంత్రి వాకిటి శ్రీహరి దంపతులు ప్రత్యేక పూజలు నిర్వహించారు.
అమ్మవారి ఆశీస్సులతో రాష్ట్ర ప్రజలందరూ ఆయురారోగ్యాలు, సుఖసంతోషాలతో ఉండాలని మంత్రి ప్రార్థించారు. ముఖ్యమంత్రి శ్రీ ఎ. రేవంత్ రెడ్డి గారి నాయకత్వంలో తెలంగాణ రాష్ట్రం అన్ని రంగాల్లో మరింత పురోగతి సాధించి, ప్రజల ఆకాంక్షలను నెరవేర్చాలని ఆయన ఆకాంక్షించారు.
తెలంగాణ సంస్కృతి, సంప్రదాయాలకు బోనాల పండుగ ప్రతీకగా నిలుస్తుందని, భక్తి, ఐక్యత, సాంస్కృతిక వైభవాన్ని చాటే ఈ పండుగను రాష్ట్ర ప్రజలంతా భక్తిశ్రద్ధలతో జరుపుకోవాలని మంత్రి వాకిటి శ్రీహరి ఆకాంక్షించారు.
