మంచేరియల్, 2026-07-19
మంచిర్యాల జిల్లాలో ఈనెల 21న భారాస పార్టీ వర్కింగ్ ప్రెసిడెంట్ కేటీఆర్ పర్యటించనున్నారు. ఈ సందర్భంగా లక్షెట్టిపేట, దండేపల్లి మండలాల్లో ప్రభుత్వ నిర్లక్ష్యం వల్ల మృతి చెందిన రైతుల కుటుంబాలకు భారాస పార్టీ తరఫున రూ.20 లక్షల పరిహారం అందజేయనున్నట్లు పార్టీ రాష్ట్ర నాయకులు నడిపెల్లి విజిత కుమార్ తెలిపారు. ప్రత్యేక సమగ్ర సవరణపై అధికారులు తప్పుడు లెక్కలు చూపుతున్నారని ఆయన ఆరోపించారు.
భారాస పార్టీ రాష్ట్ర నాయకులు నడిపెల్లి విజిత కుమార్, మంచిర్యాల మాజీ శాసనసభ్యులు నడిపల్లి దివాకర్ రావు నివాసంలో ఏర్పాటు చేసిన విలేకరుల సమావేశంలో మాట్లాడారు. ఈ నెల 21న మంచిర్యాలలో భారాస పార్టీ వర్కింగ్ ప్రెసిడెంట్ కేటీఆర్ పర్యటిస్తారని తెలిపారు. లక్షెట్టిపేట మండలంలోని వాసవి ఫంక్షన్ హాల్లో రైతు సదస్సు నిర్వహించనున్నట్లు చెప్పారు.
ప్రభుత్వ నిర్లక్ష్యం కారణంగా లక్షెట్టిపేట, దండేపల్లి మండలాల్లో మృతి చెందిన నలుగురు రైతుల కుటుంబాలకు భారాస పార్టీ తరఫున రూ.20 లక్షల పరిహారం అందజేస్తామని విజిత కుమార్ తెలిపారు. మంచిర్యాల నియోజకవర్గంలో అధికారులు, ప్రభుత్వం ప్రత్యేక సమగ్ర సవరణ (సర్)పై తప్పుడు లెక్కలు చూపుతున్నారని ఆరోపించారు. ఎన్యూమరేషన్ పత్రాలు 100% పంపిణీ చేశామనడం అబద్ధమని, తప్పుడు లెక్కలతో ప్రజలను తప్పుదోవ పట్టించవద్దని, లేదంటే వారు ఓటు హక్కును కోల్పోయే ప్రమాదం ఉందని హెచ్చరించారు. ప్రత్యేక సమగ్ర సవరణపై ఎంతవరకు పనులు జరిగాయో వాస్తవాలు బయటపెట్టాలని అధికారులను కోరారు.
