మంచేరియల్, 2026-07-20
ఉమ్మడి ఆదిలాబాద్ జిల్లాలో ఎల్-నినో ప్రభావం వల్ల ఏర్పడే నీటి కొరత, వర్షాభావ పరిస్థితులను అధిగమించేందుకు ప్రత్యామ్నాయ కార్యాచరణ ప్రణాళికపై సమీక్ష సమావేశం ఉట్నూర్ ఐటీడీఏలో జరిగింది. ఈ సమావేశంలో మంచిర్యాల ఎమ్మెల్యే కొక్కిరాల ప్రేమ్ సాగర్ రావు పాల్గొని, రైతులకు అండగా ఉంటామని భరోసా ఇచ్చారు.
ఉమ్మడి ఆదిలాబాద్ జిల్లాలోని ఖానాపూర్ నియోజకవర్గ పరిధిలోని ఉట్నూర్ ఐటీడీఏ సమావేశ మందిరంలో ఉమ్మడి జిల్లాల కలెక్టర్ల ఆధ్వర్యంలో ఎల్-నినో ప్రభావ తీవ్రతను తగ్గించేందుకు ప్రత్యామ్నాయ కార్యచరణ ప్రణాళికపై సమీక్ష సమావేశం జరిగింది. ఈ సమావేశంలో మంచిర్యాల శాసనసభ్యులు శ్రీ కొక్కిరాల ప్రేమ్ సాగర్ రావు పాల్గొన్నారు.
ఈ సందర్భంగా ఎమ్మెల్యే ప్రేమ్ సాగర్ రావు మాట్లాడుతూ, ఎల్-నినో వల్ల ఏర్పడిన వర్షాభావ పరిస్థితులను అధిగమించి, రైతులను ఆదుకుని అండగా ఉంటామని భరోసా ఇచ్చారు. ఎల్-నినో ప్రభావంతో ఏర్పడే నీటి కొరత, రైతుల ప్రయోజనాలను ఎలా కాపాడాలనే అంశాలపై చర్చించారు. నీటి కొరత, పంటలపై రైతులను చైతన్యం చేయాల్సిన బాధ్యత అధికారులపై ఉందని అన్నారు. మున్సిపాలిటీల్లో నెలకొన్న సమస్యలను పరిష్కరించాలని కోరారు.
పార్టీలకు అతీతంగా రైతులకు అందరూ సహకరించాలని ఆయన సూచించారు. ఈ కార్యక్రమంలో ఉమ్మడి ఆదిలాబాద్ జిల్లా స్పెషల్ ఆఫీసర్ కె. ఇళంబరితి, ఉమ్మడి జిల్లాల కలెక్టర్లు, ఖానాపూర్ ఎమ్మెల్యే వెడ్మ బోజ్జు పటేల్, మంచిర్యాల మున్సిపల్ కార్పొరేషన్ మేయర్ ధర్ని మధుకర్, అన్ని శాఖల అధికారులు, ప్రజాప్రతినిధులు పాల్గొన్నారు.
