మంచేరియల్, 14 October
మంచిర్యాల పట్టణంలో అక్రమ పేకాటరాయుళ్లపై పోలీసులు దాడి చేశారు. కాలేజ్ రోడ్డులోని హరినిలయ విల్లాస్లో డబ్బులు పందెంగా పెట్టి పేకాట ఆడుతున్న నలుగురిని అదుపులోకి తీసుకున్నారు. వారి వద్ద నుంచి 40,300 నగదు, మూడు సెల్ఫోన్లు, ఒక స్కూటీని స్వాధీనం చేసుకున్నారు.
మంచిర్యాల పట్టణంలోని కాలేజ్ రోడ్డులో గల హరినిలయ విల్లాస్లో డబ్బులు పందెంగా పెట్టి అక్రమంగా పేకాట ఆడుతున్నారనే విశ్వసనీయ సమాచారం మేరకు బుధవారం సాయంత్రం నార్కోటిక్ టీమ్/టాస్క్ఫోర్స్ ఏసీపీ శ్రీనివాస్ నేతృత్వంలో, ఎస్ఐ లక్ష్మణ్ రావు, మంచిర్యాల టౌన్ పోలీసులతో కలిసి సంయుక్తంగా దాడి నిర్వహించారు. ఈ దాడిలో పేకాట ఆడుతున్న నలుగురు వ్యక్తులను అదుపులోకి తీసుకున్నారు.
స్వాధీనం చేసుకున్న వస్తువులు
- 40,300 నగదు - 3 సెల్ఫోన్లు - 1 స్కూటీ
అదుపులోకి తీసుకున్న వ్యక్తుల వివరాలు
1. కత్రె గణేష్, తండ్రి: దేవిదాస్, వయస్సు: 34 సంవత్సరాలు, వృత్తి: వ్యాపారం, నివాసం: కాలేజ్ రోడ్, మంచిర్యాల పట్టణం. 2. ఆరె రాజేష్, తండ్రి: లచ్చయ్య, వయస్సు: 42 సంవత్సరాలు, వృత్తి: కూలీ, నివాసం: రాంనగర్, మంచిర్యాల పట్టణం. 3. మహమ్మద్ అన్వర్ పాషా, తండ్రి: చాంద్ పాషా, వయస్సు: 29 సంవత్సరాలు, వృత్తి: వ్యాపారం, నివాసం: జమ్మికుంట. 4. పోలక మల్లేష్, తండ్రి: చంద్రయ్య, వయస్సు: 38 సంవత్సరాలు, వృత్తి: హోటల్ నిర్వహణ, నివాసం: ఎన్టీఆర్ నగర్, మంచిర్యాల పట్టణం.
అదుపులోకి తీసుకున్న నలుగురు వ్యక్తులతో పాటు, స్వాధీనం చేసుకున్న నగదు, సెల్ఫోన్లు, స్కూటీని తదుపరి చట్టపరమైన చర్యల నిమిత్తం మంచిర్యాల టౌన్ పోలీస్ స్టేషన్లో అప్పగించారు.
