తెలంగాణ సాంఘిక సంక్షేమ గురుకుల విద్యాలయాల సంస్థ (టిజిఎస్డబ్ల్యుఆర్ఐఈఎస్) ఆధ్వర్యంలో నడుస్తున్న గురుకులాల్లో తాత్కాలిక అధ్యాపకులు, ఉపాధ్యాయుల ఖాళీల భర్తీకి ప్రక్రియ ప్రారంభమైంది. అర్హులైన అభ్యర్థుల నుంచి దరఖాస్తులు స్వీకరించనున్నట్లు సంస్థ సమన్వయకర్త కోటూరి రామ కళ్యాణి తెలిపారు. జిల్లాలోని 9 గురుకుల పాఠశాలలు, జూనియర్ కళాశాలల్లో ఈ నియామకాలు జరగనున్నాయి.
మంచిర్యాల జిల్లా ఇరిగేషన్ శాఖలో నూతనంగా చీఫ్ ఇంజనీర్గా బాధ్యతలు స్వీకరించిన శ్రీ AVVS నరసింహారావును టీఎన్జీవో మంచిర్యాల జిల్లా అధ్యక్షులు శ్రీ గడియారం శ్రీహరి ఆధ్వర్యంలో జిల్లా కమిటీ సభ్యులు ఘనంగా సన్మానించారు. ఈ సందర్భంగా ఆయనకు పదోన్నతి బాధ్యతల శుభాకాంక్షలు తెలియజేశారు.
ఇరిగేషన్ శాఖలో డివిజన్ నెంబర్ వన్ ఎకౌంటు ఆఫీసర్గా మంచిర్యాలకు పదోన్నతి పొందిన జి. అశోక్ గారికి టీఎన్జీవో సంఘం ఆధ్వర్యంలో సన్మానం జరిగింది. ఈ కార్యక్రమంలో పలువురు అధికారులు, సిబ్బంది పాల్గొన్నారు.
కరీంనగర్ డివిజన్ ఎల్ఐసి ఏజెంట్ల సమైక్య కార్యవర్గ సమావేశం రేపు మంచిర్యాలలో జరగనుంది. 14,000 మంది ఏజెంట్ల సమస్యలపై చర్చించే ఈ సమావేశానికి ఆల్ ఇండియా ప్రధాన కార్యదర్శి ఎస్.బి. చారి ముఖ్యఅతిథిగా హాజరుకానున్నారు.
మంచిర్యాల: శ్రీశ్రీశ్రీ కాళీమాత అష్ట కాలభైరవ దేవాలయం ఆధ్వర్యంలో, అగోరి గురు రఘు స్వామి గారి పర్యవేక్షణలో జరగనున్న "కుమ్మరి సంఘం బోనాల వేడుకల" ప్రచార పోస్టర్లను జిల్లా కాంగ్రెస్ మాజీ అధ్యక్షురాలు గౌరవ శ్రీమతి కొక్కిరాల సురేఖ ఆవిష్కరించారు. ఈ కార్యక్రమంలో పలువురు కార్పొరేటర్లు, కుమ్మరి సంఘం నాయకులు పాల్గొన్నారు.
ప్రభుత్వం చేపట్టిన భూముల రీ సర్వే ప్రక్రియను పకడ్బందీగా నిర్వహించాలని జిల్లా అదనపు కలెక్టర్ (రెవెన్యూ) వి.రాములు అన్నారు. బుధవారం జిల్లాలోని భీమారం మండలంలోని మద్దికల్ గ్రామంలో జరుగుతున్న భూముల రీ-సర్వే కార్యక్రమాన్ని మండల తహసిల్దార్తో కలిసి ఆయన పరిశీలించారు. ఈ సందర్భంగా ఆయన పలు కీలక సూచనలు చేశారు.
ప్రభుత్వ ఆసుపత్రులకు వచ్చే ప్రజలకు మెరుగైన వైద్య సేవలు అందించాలని, వారితో స్నేహపూర్వకంగా మెలగాలని జిల్లా కలెక్టర్ కుమార్ దీపక్ అన్నారు. బుధవారం బెల్లంపల్లి మండల కేంద్రంలోని 100 పడకల ప్రభుత్వ ఆసుపత్రిని సందర్శించి, అక్కడి సౌకర్యాలను, వైద్య సేవలను ఆయన పరిశీలించారు. అంటువ్యాధులు ప్రబలకుండా జాగ్రత్తలు తీసుకోవాలని, వైద్యులు, సిబ్బంది సమయపాలన పాటించాలని సూచించారు.
రామగుండం పోలీస్ కమిషనరేట్ పరిధిలోని నెన్నెల పోలీస్ స్టేషన్ను మంచిర్యాల డీసీపీ ఎగ్గడి భాస్కర్ ఆకస్మికంగా తనిఖీ చేశారు. స్టేషన్ పరిసరాలు, రికార్డులను పరిశీలించి, సిబ్బందితో మాట్లాడారు. దర్యాప్తు ప్రక్రియ, ఆధారాల నమోదు, ఈ-సాక్ష్య అప్లికేషన్ వినియోగంపై అధికారులకు సూచనలు ఇచ్చారు.
జైపూర్ మండలం ఇందారం గ్రామ ZPSS ఉన్నత పాఠశాలను గ్రామ సర్పంచ్ మహమ్మద్ ఫయాజ్, ఉపసర్పంచ్ ఎల్కటూరి శివ ఆకస్మికంగా సందర్శించి, తరగతి గదులు, వంటగది, వాష్రూమ్ల పరిశుభ్రతను పరిశీలించారు. ఉపాధ్యాయులతో మాట్లాడి సమస్యలు తెలుసుకున్నారు.
మంచిర్యాల జిల్లా జైపూర్ మండలంలోని మిట్టపల్లి గ్రామంలో గల ఆయుష్మాన్ ఆరోగ్య ఉప కేంద్రాన్ని జిల్లా వైద్య ఆరోగ్య శాఖ అధికారి డా. నరేందర్ రాథోడ్ ఆకస్మికంగా సందర్శించారు. కేంద్రంలోని సదుపాయాలు, సిబ్బంది హాజరు, మందుల స్టాక్, వ్యాక్సినేషన్ ప్రక్రియను ఆయన క్షుణ్ణంగా పరిశీలించారు.
మంచిర్యాల జిల్లా, తాండూర్ మండలం, నీలాయపల్లి గ్రామానికి చెందిన CPI గ్రామ కార్యదర్శి ఎడ్ల గోపాల్ గారి కోడలు, ఎడ్ల దేవి అనారోగ్యంతో మరణించడంతో CPI తాండూర్ మండల నాయకులు వారి కుటుంబాన్ని పరామర్శించారు. వారికి ₹3,000 ఆర్థిక సహాయం అందించారు.
59వ డివిజన్ ప్రజలకు SIR ఫారాలపై అవగాహన కల్పించేందుకు కార్పొరేటర్ శ్రీ మాదంశెట్టి సత్యనారాయణ ప్రత్యేక కార్యక్రమాన్ని ఏర్పాటు చేశారు. SIR ఫారం ఎలా నింపాలో తెలియని వారికి కార్పొరేటర్ స్వయంగా అవగాహన కల్పించి, అక్కడికక్కడే ఫారాలు నింపి పూర్తి చేస్తున్నారు.
యాసను చూసి మనిషిని కొలవరాదని, ఎందుకంటే యాస వెనుక ఒక ఊరి ఊపిరి, ఆ ఊరి మట్టి పరిమళం, తరతరాల మమకారం, మనసుల మధురం ఉంటాయని మాజీ ఆలేరు వ్యవసాయ మార్కెట్ కమిటీ డైరెక్టర్ మంజుల పత్తిపాటి అన్నారు. పుస్తకాల్లోని భాషకు అక్షరాల అందం ఉంటే, పల్లె పెదవుల పలుకుల్లో జీవన గంధం ఉంటుందని ఆమె పేర్కొన్నారు.
ప్రభుత్వ సంక్షేమ పథకాల ప్రయోజనాలు అర్హులకే చేరేలా చూడాలని, ప్రభుత్వ వనరులను అక్రమంగా మళ్లించడం, నిత్యావసర వస్తువుల బ్లాక్ మార్కెటింగ్ వంటి చట్టవ్యతిరేక కార్యకలాపాలను ఉపేక్షించబోమని రామగుండం పోలీస్ కమిషనర్ అంబర్ కిషోర్ ఝా స్పష్టం చేశారు. ఈ నేపథ్యంలో, బండారి మారుతిపై జారీ చేసిన పీడీ ఉత్తర్వులకు రాష్ట్ర ప్రభుత్వం ఆమోదం తెలిపింది.
జైపూర్ మండలం వేలాల గ్రామపంచాయతీలోని పోలింగ్ కేంద్రాలను హైదరాబాద్ CEO కార్యాలయం నుండి వచ్చిన డిప్యూటీ కలెక్టర్ ఎం. జయచంద్ర రెడ్డి, జైపూర్ తహసీల్దార్ వనజ రెడ్డి మంగళవారం ఆకస్మికంగా సందర్శించారు. ఈ సందర్భంగా వారు పోలింగ్ కేంద్రాల్లోని ఏర్పాట్లను క్షుణ్ణంగా పరిశీలించారు.
జర్నలిస్ట్ పై జరిగిన దాడిని ఖండిస్తూ, నిందితులపై హత్యాయత్నం కేసు నమోదు చేసి తక్షణమే అరెస్టు చేయాలని పెద్దపల్లి జిల్లా జర్నలిస్టులు డిమాండ్ చేశారు. ఈ మేరకు మంగళవారం పెద్దపల్లి సీఐ ప్రవీణ్ కుమార్కు వినతిపత్రం అందజేశారు. ఈ దాడి ప్రజాస్వామ్య విలువలపై, భావ ప్రకటన స్వేచ్ఛపై జరిగిన దాడిగా వారు అభివర్ణించారు.
మంచిర్యాలలోని రాముని చెరువు పార్క్లో అమ్మాయిల పట్ల అనుచితంగా ప్రవర్తిస్తున్న ఐదుగురు వ్యక్తులను షీ టీం పోలీసులు అదుపులోకి తీసుకున్నారు. రామగుండం పోలీస్ కమిషనర్ ఆదేశాల మేరకు ఈ డెకాయ్ ఆపరేషన్ నిర్వహించి, నిందితులకు కౌన్సెలింగ్ ఇచ్చారు.
మంచిర్యాల పట్టణంలో మంగళవారం మాజీ మంత్రి, హుజూరాబాద్ ఎమ్మెల్యే శ్రీ ఈటల రాజేందర్ ముదిరాజ్కు స్థానిక నాయకులు, కార్యకర్తలు ఘన స్వాగతం పలికారు. ఈ సందర్భంగా జక్కుల రాజు ముదిరాజ్ ఆయనను మర్యాదపూర్వకంగా కలిసి, పుష్పగుచ్ఛం అందజేసి, శాలువా కప్పి ఘనంగా సన్మానించారు.
జనసేన పార్టీ అధ్యక్షులు శ్రీ కొణిదెల పవన్ కళ్యాణ్ భుజానికి శస్త్ర చికిత్స జరిగిన నేపథ్యంలో, ఆయన త్వరగా కోలుకోవాలని ఆకాంక్షిస్తూ మంచిర్యాల జిల్లా కేంద్రంలోని గర్మిళ్ల శ్రీ హనుమాన్ దేవాలయంలో ప్రత్యేక పూజలు నిర్వహించారు. ఈ కార్యక్రమానికి పార్టీ నాయకులు హాజరయ్యారు.
సింగరేణి సంస్థను కాంగ్రెస్, బీఆర్ఎస్ ప్రభుత్వాలు నిర్వీర్యం చేశాయని కేంద్ర బొగ్గు గనుల శాఖ మంత్రి శ్రీ కిషన్ రెడ్డి ఆరోపించారు. సింగరేణి భరోసా యాత్రలో భాగంగా మంచిర్యాల జిల్లాలో కార్మికులతో నిర్వహించిన సమావేశంలో ఆయన మాట్లాడుతూ, రాష్ట్ర ప్రభుత్వం చెల్లించాల్సిన బకాయిల వల్లే సంస్థ ఆర్థిక ఇబ్బందుల్లో ఉందని తెలిపారు. ఈ నేపథ్యంలోనే తాడిచెర్ల కోల్ బ్లాక్ ను నేరుగా కేటాయించి కేంద్ర ప్రభుత్వం అండగా నిలిచిందని పేర్కొన్నారు.