పెద్దపల్లి, 2026-06-05
పెద్దపల్లి జిల్లా కాంగ్రెస్ పార్టీ విస్తృత స్థాయి సమీక్షా సమావేశం గురువారం జిల్లా కేంద్రంలో జరిగింది. ఈ సమావేశానికి ప్రభుత్వ విప్, పెద్దపల్లి ఎమ్మెల్యే చింతకుంట విజయరమణ రావు హాజరై, పార్టీ నాయకత్వానికి పలు కీలక సూచనలు చేశారు.
పెద్దపల్లి జిల్లా కాంగ్రెస్ పార్టీ అధ్యక్షులు, రామగుండం ఎమ్మెల్యే మక్కాన్ సింగ్ రాజ్ ఠాకూర్ అధ్యక్షతన, పెద్దపల్లిలోని తన క్యాంప్ కార్యాలయంలో గురువారం జిల్లా కాంగ్రెస్ పార్టీ విస్తృత స్థాయి సమీక్షా సమావేశం జరిగింది. ఈ సమావేశంలో పాల్గొన్న ప్రభుత్వ విప్, పెద్దపల్లి శాసనసభ్యులు చింతకుంట విజయరమణ రావు, జిల్లా పార్టీ నాయకత్వానికి పలు సూచనలు చేశారు.
పలువురు నాయకుల భాగస్వామ్యం
ఈ కార్యక్రమంలో రామగుండం మేయర్, పెద్దపల్లి, సుల్తానాబాద్ మున్సిపల్ చైర్మన్లు, మార్కెట్ కమిటీ, సింగిల్ విండో చైర్మన్లు, జిల్లా కాంగ్రెస్ నాయకులు, పలు విభాగాల పార్టీ అధ్యక్షులు, తదితరులు పాల్గొన్నారు.
