రామగుండం పోలీస్ కమిషనరేట్ పరిధిలో గణేష్ నిమజ్జన మహోత్సవాన్ని ప్రశాంతంగా నిర్వహించేందుకు పకడ్బందీ భద్రతా చర్యలు చేపట్టినట్లు పోలీస్ కమిషనర్ అంబర్ కిషోర్ ఝా తెలిపారు. భక్తులకు ఎలాంటి అసౌకర్యం, అవాంఛనీయ సంఘటనలు జరగకుండా పటిష్టమైన బందోబస్తు ఏర్పాటు చేశారు.
రామగుండం పోలీస్ కమిషనరేట్ పరిధిలో గణేష్ నిమజ్జన మహోత్సవాన్ని ప్రశాంతంగా నిర్వహించేందుకు పకడ్బందీ భద్రతా చర్యలు చేపట్టినట్లు రామగుండం పోలీస్ కమిషనర్ అంబర్ కిషోర్ ఝా తెలిపారు. నిమజ్జనానికి వచ్చే భక్తులకు ఎలాంటి అసౌకర్యం కలగకుండా, ఎలాంటి అవాంఛనీయ సంఘటనలు, ప్రమాదాలు చోటుచేసుకోకుండా పటిష్టమైన పోలీస్ బందోబస్తు ఏర్పాటు చేసినట్లు తెలిపారు.
పెద్దపల్లి జోన్ పరిధిలో 04 ఏసీపీలు, 15 సీఐ/ఆర్ఐలు, 25 ఎస్ఐ/ఆర్ఎస్ఐలు, 26 ఏఎస్సై/హెడ్ కానిస్టేబుళ్లు, 81 పోలీస్ కానిస్టేబుళ్లు, 14 మహిళా కానిస్టేబుళ్లు, 30 హోంగార్డ్స్, 25 మంది ఏఆర్, స్పెషల్ పార్టీ సిబ్బంది ఉన్నారు. మంచిర్యాల జోన్ పరిధిలో 03 ఏసీపీలు, 11 సీఐ/ఆర్ఐలు, 26 ఎస్ఐ/ఆర్ఎస్ఐలు, 67 ఏఎస్సై/హెడ్ కానిస్టేబుళ్లు, 90 పోలీస్ కానిస్టేబుళ్లు, 17 మహిళా కానిస్టేబుళ్లు, 30 హోంగార్డ్స్, 10 మంది స్పెషల్ పార్టీ సిబ్బంది ఉన్నారు. రామగుండం పోలీస్ కమిషనరేట్ పరిధిలో 07 ఏసీపీలు, 26 సీఐ/ఆర్ఐలు, 51 ఎస్ఐ/ఆర్ఎస్ఐలు, 93 ఏఎస్సై/హెడ్ కానిస్టేబుళ్లు, 171 పోలీస్ కానిస్టేబుళ్లు, 31 మహిళా కానిస్టేబుళ్లు, 50 హోంగార్డ్స్, 35 మంది స్పెషల్ పార్టీ సిబ్బందితో పాటు ఎన్ఎస్ఎస్, ఎన్సీసీ క్యాడెట్లు, ఎస్అండ్పీసీ సిబ్బందితో కలిపి సుమారు 500 మందితో పటిష్టమైన బందోబస్తు ఏర్పాటు చేసినట్లు తెలిపారు.
రామగుండం పోలీస్ కమిషనరేట్ పరిధిలో మొత్తం 5,189 వినాయక విగ్రహాలను ఏర్పాటు చేశారు. వీటిలో పెద్దపల్లి జోన్ పరిధిలో 2,659, మంచిర్యాల జోన్ పరిధిలో 2,530 వినాయక విగ్రహాలు ఉన్నాయి. పెద్దపల్లి జోన్ పరిధిలో 36 నిమజ్జన ప్రదేశాలను ఏర్పాటు చేశారు. గోదావరి బ్రిడ్జి, గోలివాడ, మంథని గోదావరి ప్రాంతాలు, పెద్దపల్లి ఎల్లమ్మ చెరువు, మినీ ట్యాంక్ బండ్, సుల్తానాబాద్ చెరువు, హుస్సేన్మియా వాగు, మానేరు వాగు తదితర ప్రాంతాల్లో వినాయక విగ్రహాల నిమజ్జనం నిర్వహించనున్నారు. మంచిర్యాల జోన్ పరిధిలో 41 నిమజ్జన ప్రదేశాలను ఏర్పాటు చేశారు. గోదావరి బ్రిడ్జి, గూడెం బ్రిడ్జి, గోదావరి పుష్కర ఘాట్, లక్షెట్టిపేట, గౌతమేశ్వర టెంపుల్, మంచిర్యాల ఇంటెక్ వెల్, సీతారాంపల్లి, గోదావరి ప్రవాహ ప్రాంతాలు, బెల్లంపల్లి పోచమ్మ చెరువు, చెన్నూరు పెద్దచెరువు, సాలిగాం ప్రాజెక్టు, సల్పాల వాగు తదితర ప్రాంతాల్లో వినాయక విగ్రహాల నిమజ్జనం నిర్వహించనున్నారు.
పోలీస్ శాఖ ఆధ్వర్యంలో భారీ బందోబస్తుతో పాటు పోలీస్ పికెట్లు ఏర్పాటు చేశారు. ఇతర ప్రభుత్వ శాఖల సమన్వయంతో రోడ్ల మరమ్మతులు, ఫ్లడ్ లైట్లు, క్రేన్లు, ప్లాట్ఫారాలు, మంచినీటి వసతి వంటి ఇతర ఏర్పాట్లు పూర్తి చేశారు. నిమజ్జనం జరిగే ప్రాంతాల్లో గజ ఈతగాళ్లను అందుబాటులో ఉంచుతున్నారు.
అన్ని నిమజ్జన ప్రాంతాలను సీసీ కెమెరాల ద్వారా నిరంతరం పర్యవేక్షించనున్నారు. నిమజ్జన శోభాయాత్రను డ్రోన్ కెమెరాలతో కూడా పర్యవేక్షిస్తారు. ఎక్కడైనా ట్రాఫిక్ సమస్య ఏర్పడినా, శోభాయాత్రలో వాహనాల రాకపోకలకు ఇబ్బంది కలిగినా వెంటనే చర్యలు తీసుకునేలా ప్రత్యేక ఏర్పాట్లు చేశారు.
