శ్రీరాంపూర్ ఏరియాలోని సింగరేణి గనుల్లో కార్మికులకు అవసరమైన మెటీరియల్స్ సకాలంలో అందడం లేదని, దీనివల్ల ఉత్పత్తికి ఆటంకం ఏర్పడుతోందని సింగరేణి కాలరీస్ వర్కర్స్ యూనియన్ నాయకులు ఆందోళన వ్యక్తం చేశారు. 1 గని మేనేజర్కు మెమోరాండం సమర్పించి, సమస్యల పరిష్కారాన్ని డిమాండ్ చేశారు.
1 గనిలో కార్మికులకు అవసరమైన డ్రిల్ రాడ్లు, డ్రిల్ బిట్లు, రెజిన్ క్యాప్సుల్స్, లైన్మెన్ కీలలు, సేఫ్టీ షూస్, గ్లాజెస్, కు సంబంధించిన నాణ్యమైన ఆయిల్, గిరిమీట్లు వంటి మెటీరియల్స్ అందించడంలో జరుగుతున్న జాప్యంపై గని మేనేజర్కు మెమోరాండం ఇవ్వడం జరిగింది. సింగరేణి కాలరీస్ వర్కర్స్ యూనియన్ డిప్యూటీ ప్రధాన కార్యదర్శి ముష్కే సమ్మయ్య మాట్లాడుతూ, శ్రీరాంపూర్ ఏరియాలోని గనులలో కార్మికులకు అవసరమైన మెటీరియల్స్ సకాలంలో అందకపోవడం వల్ల కార్మికులు తీవ్ర ఇబ్బందులు ఎదుర్కొంటున్నారని తెలిపారు. ఈ సమస్యలను తక్షణమే పరిష్కరించాలని ఆయన డిమాండ్ చేశారు.
డ్రిల్ రాడ్లు, డ్రిల్ బిట్లు వెంటనే సరఫరా చేయాలి
గనులలో డ్రిల్ రాడ్లు, డ్రిల్ బిట్లు గత కొన్ని నెలలుగా కార్మికులకు అందకపోవడం వల్ల ఉత్పత్తి (ప్రొడక్షన్) కు ఆటంకం ఏర్పడుతోందని యూనియన్ నాయకులు తెలిపారు. కొన్ని గనులలో ఉత్పత్తి లేని అండర్గ్రౌండ్ గనులలో కూడా రీకండిషన్ డ్రిల్ బిట్లను వాడుతున్నారని, అయినప్పటికీ కార్మికులు తమ శక్తి మేరకు పనిచేస్తూ 100 ఉత్పత్తిని సాధిస్తున్నారని పేర్కొన్నారు. కానీ, యాజమాన్యం మాత్రం డ్రిల్ రాడ్లు, డ్రిల్ బిట్లను తెప్పించడంలో నిర్లక్ష్యం చేస్తోందని ఆరోపించారు. కావున డ్రిల్ రాడ్లు, డ్రిల్ బిట్లను వెంటనే తెప్పించి కార్మికులకు అందించాలని డిమాండ్ చేశారు.
సపోర్ట్మెన్కు రెజిన్ క్యాప్సుల్స్ అందించాలి
సపోర్ట్మెన్కు సంబంధించిన రెజిన్ క్యాప్సుల్స్ చాలా ముఖ్యమైనవని, వాటిని ఇవ్వకపోవడం వల్ల రూఫ్ బోల్టింగ్ పనులు జరగడం లేదని, తద్వారా గనులలో వైబ్రేషన్స్, వైలేషన్స్ పెరుగుతున్నాయని తెలిపారు. ఇది చట్ట విరుద్ధమని పేర్కొన్నారు. కావున సపోర్ట్మెన్కు అవసరమైన రెజిన్ క్యాప్సుల్స్ను వెంటనే అందించి, రూఫ్ బోల్టింగ్ పనులకు ఎటువంటి ఆటంకం లేకుండా చూడాలని కోరారు.
లైన్మెన్కు కీలలు ఇవ్వాలి
లైన్మెన్కు సంబంధించిన కీలలు ఇవ్వకపోవడం వల్ల ట్రాక్ లైన్స్ సరిగ్గా లేక టబ్బులు కిందపడి ఉత్పత్తి (ప్రొడక్షన్) కు ఆటంకం ఏర్పడుతోందని తెలిపారు. కావున లైన్మెన్కు సంబంధించిన కీలలను వెంటనే అందించి, ట్రాక్ లైన్స్ సక్రమంగా ఉండేలా చర్యలు తీసుకోవాలని సూచించారు.
కార్మికులకు జూన్, జూలై నెలల్లో ఇవ్వాల్సిన సేఫ్టీ షూస్ను సెప్టెంబర్ వచ్చినా కూడా యాజమాన్యం అందించలేదని యూనియన్ నాయకులు తెలిపారు. రక్షణే ప్రథమం అని పెద్దపెద్ద ప్రకటనలు చేసే యాజమాన్యం కార్మికుల భద్రత విషయంలో నిర్లక్ష్యం వహిస్తోందని వారు ఆరోపించారు.
