లిండ్సే క్లాన్సీ కేసు: మాజీ భర్త పాట్రిక్ క్లాన్సీ తొలిసారి టీవీ ఇంటర్వ్యూలో కీలక వ్యాఖ్యలు

2020లో మసాచుసెట్స్లోని డక్స్బరీలో పాట్రిక్, లిండ్సే దంపతుల ముగ్గురు పిల్లలు5 ఏళ్ల కోరా, 3 ఏళ్ల డాసన్, 8 నెలల కాలన్మరణించారు. లిండ్సే పిల్లలను చంపిన విషయాన్ని ఆమె తరఫు న్యాయవాదులు ఖండించలేదు. అయితే, ప్రసవానంతర మానసిక సమస్యతో బాధపడుతున్న కారణంగా ఆమెకు నేరపూరిత బాధ్యత ఉండదని వాదించారు.

ఆరు వారాల విచారణ.. తీర్పు లేకుండానే ముగింపు

లిండ్సేపై జరిగిన సుమారు ఆరు వారాల క్రిమినల్ విచారణలో జ్యూరీ ఏకగ్రీవ నిర్ణయానికి రాలేకపోయింది. దీంతో న్యాయమూర్తి మిస్ట్రయల్ మిస్ ట్రయల్ () ప్రకటించారు. అంటే కేసులో తుది తీర్పు వెలువడలేదు. లిండ్సేపై మళ్లీ విచారణ జరపాలా లేదా కేసును కొట్టివేయాలా అన్నది ఇంకా నిర్ణయించాల్సి ఉంది. ఈ అంశంపై తదుపరి కోర్టు ప్రక్రియ న జరగనుంది.

భార్యలో మార్పులను గుర్తించినా.. సమస్యపై అవగాహన లేదన్న పాట్రిక్

60 లో పాట్రిక్ మాట్లాడుతూ, కాలన్ పుట్టిన కొన్ని నెలల తర్వాత లిండ్సేకు నిద్రలేమి ప్రారంభమైందని చెప్పారు. 2020లో ఆమె కొన్ని రాత్రులు నిద్రపోకుండా గడిపినట్లు ఆయన తెలిపారు. తర్వాత ఆమె తీవ్రమైన ఆందోళన, డిప్రెషన్తో ఇబ్బంది పడినట్లు చెప్పారు.

అయితే అప్పట్లో ప్రసవానంతర మానసిక అనారోగ్యాన్ని ఎలా ఎదుర్కోవాలో తనకు తెలియదని పాట్రిక్ పేర్కొన్నారు. తాను సాధారణ ఆందోళన లేదా డిప్రెషన్ను కొంతవరకు అర్థం చేసుకోగలనని, కానీ ప్రసవానంతర మానసిక సమస్యను ఎలా నిర్వహించాలో తెలియదని చెప్పారు. లిండ్సే పిల్లల్ని చంపిన ఘటనను ఆమె తనకు వివరించిన తీరు గురించి కూడా పాట్రిక్ మాట్లాడారు. తన మాజీ భార్యకు ఆ ఘటన కలలా అనిపించిందని చెప్పినట్లు ఆయన వెల్లడించారు.

కోర్టులో తీవ్ర భయాందోళన

విచారణ సమయంలో పాట్రిక్ పిల్లల మరణాల గురించి కోర్టులో సాక్ష్యం ఇచ్చారు. తన సాక్ష్య సమయంలో అత్యవసర సేవలకు చేసిన ఫోన్ కాల్ను కోర్టులో వినిపించే ముందు తాను తీవ్రంగా కలతకు గురైనట్లు చెప్పారు. ఒక విరామ సమయంలో కోర్టు భవనంలోని ప్రత్యేక గదిలోకి వెళ్లినప్పుడు తీవ్రమైన పానిక్ అటాక్ వచ్చినట్లు పాట్రిక్ వెల్లడించారు. అనంతరం అంబులెన్స్లో ఆసుపత్రికి తీసుకెళ్లారని, మందులు తీసుకోవాలని సూచించినప్పటికీ తన సాక్ష్యాన్ని పూర్తి చేయాలనే ఉద్దేశంతో వాటిని తీసుకోలేదని చెప్పారు.

పిల్లల మరణాల తర్వాత తన జీవితానికి అర్థం లేకుండా పోయినట్లు పాట్రిక్ చెప్పారు. ఒక దశలో 35వ పుట్టినరోజు చూసే వరకు తాను బతుకుతానని అనుకోలేదని, ఆ సమయంలో తనకు అది పెద్ద సమస్యగా కూడా అనిపించలేదని చెప్పారు. సోషల్ మీడియాలో తనపై వచ్చిన ఆరోపణలు కూడా తనకు, తన పిల్లల జ్ఞాపకాలకు తీవ్ర నష్టం చేశాయని పాట్రిక్ పేర్కొన్నారు. ఎలాంటి ఆధారాలు లేకుండా తానే పిల్లల మరణాలకు కారణమన్న కుట్ర సిద్ధాంతాలు ప్రచారంలోకి రావడంపై ఆయన ఆవేదన వ్యక్తం చేశారు. ఇలాంటి ప్రచారం అసలు సమస్య అయిన ప్రసవానంతర మానసిక ఆరోగ్యంపై చర్చను పక్కదారి పట్టిస్తుందని చెప్పారు.