పౌనూర్‌లో బొద్దురాయి ప్రతిష్టా కార్యక్రమం ప్రారంభమైంది

గ్రామ దేవతల ఆలయ ప్రాంగణంలో ప్రత్యేక షామియానా కింద వేద పండితులు మంత్రోచ్ఛారణలు చేసారు. ఈ కార్యక్రమానికి గ్రామ పెద్దలు, యువకులు, మహిళలు పెద్ద సంఖ్యలో హాజరయ్యారు.

పట్టు వస్త్రాలు ధరించిన మహిళలు, పంచె కట్టుతో పురుషులు సంప్రదాయబద్ధంగా ఈ కార్యక్రమంలో పాల్గొన్నారు. కలశ స్థాపన, అభిషేకం, హోమం వంటి కార్యక్రమాలు జరుగుతున్నాయి.

సంఘం సభ్యులు భక్తుల కోసం తీర్థప్రసాదాల వితరణను కూడా నిర్వహించనున్నారు. గ్రామ అభివృద్ధి మరియు ప్రజల సుఖశాంతుల కోసం ఈ కార్యక్రమం నిర్వహించబడుతోందని గ్రామ పెద్దలు తెలిపారు.