మందమర్రిలోని పంచముఖి ఆంజనేయ ఆలయంలో హనుమాన్ జయంతి మహోత్సవం సందర్భంగా సమూహిక 108 హనుమాన్ చాలీసా పారాయణం, నూతన మండపం ప్రారంభోత్సవం అంగరంగ వైభవంగా జరిగాయి. ఈ కార్యక్రమానికి పలువురు ప్రముఖులు హాజరయ్యారు.
హనుమాన్ జయంతిని పురస్కరించుకుని పంచముఖి ఆంజనేయ ఆలయంలో ఉదయం 7 గంటలకు ప్రత్యేక పూజలు, 108 హనుమాన్ చాలీసా పారాయణం ప్రారంభమయ్యాయి. ఈ సందర్భంగా ఆలయంలో నిర్మించిన నూతన మండపాన్ని ప్రారంభించారు.
ఈ కార్యక్రమంలో కల్వకుంట్ల లక్ష్మీఅమ్మ, సింగరేణి ఏరియా జీఎం రాధాకృష్ణ, ఆలయ ప్రధాన పూజారి అనంతచారి, మున్సిపల్ కమిషనర్ రాజలింగు, సీఐ పర్సా రమేష్, ఎస్ఐ జి. నరేష్, బిఆర్ఎస్ నాయకులు కొంగల తిరుపతి రెడ్డి, మంద తిరుమల్ రెడ్డి, నలువల సమ్మయ్య, శంకర్ రావు, ఆలయ కమిటీ సభ్యులు పాల్గొన్నారు.
ముఖ్య అతిథులుగా విచ్చేసిన ప్రముఖులు పంచముఖి ఆంజనేయ స్వామిని దర్శించుకుని, ప్రత్యేక ప్రార్థనలు నిర్వహించారు. అనంతరం అందరూ స్వామివారి ప్రసాదాన్ని స్వీకరించారు.
ఈ వేడుకలకు ఆలయ కమిటీ, వివిధ పార్టీల నాయకులు, మరియు భక్తులు పెద్ద సంఖ్యలో తరలివచ్చి ఆధ్యాత్మిక వాతావరణాన్ని సృష్టించారు. కార్యక్రమం విజయవంతంగా ముగిసింది.
