మంచిర్యాల పట్టణంలోని అండాళమ్మ కాలనీ జలగుట్ట ప్రాంతంలో ఓ వ్యక్తి దారుణ హత్యకు గురయ్యాడు. మహబూబాబాద్ జిల్లా బయ్యారం ప్రాంతానికి చెందిన లాక్పతి అనే వ్యక్తిని గుర్తుతెలియని వ్యక్తులు కత్తులతో విచక్షణారహితంగా దాడి చేసి చంపినట్లు సమాచారం.
స్థానికులు ఈ ఘటనను గుర్తించి పోలీసులకు సమాచారం అందించారు. సంఘటనా స్థలానికి చేరుకున్న పోలీసులు మృతదేహాన్ని స్వాధీనం చేసుకుని, పోస్టుమార్టం నిమిత్తం ప్రభుత్వ ఆసుపత్రికి తరలించారు.
హత్యకు గల కారణాలపై పోలీసులు ఆరా తీస్తున్నారు. కేసు నమోదు చేసుకుని దర్యాప్తు ప్రారంభించినట్లు తెలిపారు. నిందితుల కోసం ప్రత్యేక గాలింపు చర్యలు చేపట్టినట్లు సమాచారం.
సంఘటనకు సంబంధించిన పూర్తి వివరాలు ఇంకా తెలియాల్సి ఉంది. పోలీసులు ఈ ఘటనపై లోతుగా విచారణ జరుపుతున్నారు. స్థానికంగా ఈ ఘటనపై భిన్నాభిప్రాయాలు వ్యక్తమవుతున్నాయి.
