జిల్లాలో ఓటరు జాబితా ప్రత్యేక సమగ్ర సవరణ ప్రక్రియలో భాగంగా ప్రజలకు అందించిన ఎన్యుమరేషన్ ఫారాల సేకరణను వేగవంతం చేయాలని జిల్లా కలెక్టర్ కుమార్ దీపక్ ఆదేశించారు. గురువారం మంచిర్యాలలో రాజకీయ పార్టీల ప్రతినిధులతో నిర్వహించిన సమీక్ష సమావేశంలో ఆయన ఈ విషయాలు తెలిపారు. ఈ నెల 24వ తేదీ వరకు కొనసాగే ప్రక్రియలో రాజకీయ పార్టీలు, బూత్ స్థాయి ఏజెంట్లు సహకరించాలని కోరారు.
గ్రామ పంచాయతీల సమగ్ర అభివృద్ధికి సర్పంచ్లు స్థానిక అవసరాలను గుర్తించి కార్యాచరణ ప్రణాళిక రూపొందించి, అమలు చేయాలని జిల్లా కలెక్టర్ కుమార్ దీపక్ సూచించారు. గురువారం క్యాతనపల్లి పరిధిలోని అమ్మ గార్డెన్స్లో జరిగిన శిక్షణ కార్యక్రమంలో ఆయన ఈమేరకు దిశానిర్దేశం చేశారు. గ్రామస్థాయి అభివృద్ధిలో సర్పంచ్లు, వార్డు సభ్యుల భాగస్వామ్యం కీలకమని తెలిపారు.
ప్రభుత్వ అధికారులు, సిబ్బంది విధుల్లో సమయపాలన పాటించాలని, కార్యాలయాలకు వచ్చే ప్రజలతో జవాబుదారీగా వ్యవహరించాలని జిల్లా కలెక్టర్ కుమార్ దీపక్ సూచించారు. గురువారం బెల్లంపల్లి మండలం తహసిల్దార్ కార్యాలయాన్ని ఆకస్మికంగా తనిఖీ చేసిన ఆయన, ఓటరు జాబితా సవరణ ప్రక్రియను వేగవంతం చేయాలని, దరఖాస్తులను సకాలంలో పరిష్కరించాలని ఆదేశించారు.
మందమర్రి పట్టణంలోని దొరల బంగ్లా ఏరియాలో గుడుంబా అమ్మకాలు యథేచ్ఛగా సాగుతున్నాయని, వాటిని వెంటనే అరికట్టాలని బస్తీవాసులు డిమాండ్ చేశారు. గత 25 ఏళ్లుగా కొనసాగుతున్న ఈ అమ్మకాలపై చర్యలు తీసుకోవాలని, లేదంటే యువత కూడా వ్యసనాలకు బానిసై ప్రాణనష్టాలు సంభవించే ప్రమాదం ఉందని వారు హెచ్చరించారు.
మంచిర్యాల నియోజకవర్గంలో నూతనంగా నిర్మిస్తున్న ఇందిరమ్మ మహిళా శక్తి భవన నిర్మాణ పనులను మంచిర్యాల జిల్లా మాజీ డీసీసీ అధ్యక్షురాలు శ్రీమతి శ్రీ కొక్కిరాల సురేఖ ప్రేమ్ సాగర్ రావు గారు పరిశీలించారు. ఈ పర్యటన 09-07-2026న జరిగింది.
శంషాబాద్ విమానాశ్రయంలో కేంద్ర మంత్రి శ్రీ జి. కిషన్ రెడ్డికి ఘన స్వాగతం లభించింది. సింగరేణి సంస్థకు తడిచెర్ల-2 కోల్ బ్లాక్ను కేటాయించడంలో కేంద్ర ప్రభుత్వం తీసుకున్న నిర్ణయానికి మంత్రికి బీజేపీ రాష్ట్ర ఉపాధ్యక్షులు రఘునాథ్ వెరబెల్లి కృతజ్ఞతలు తెలిపారు. ఈ కేటాయింపు సంస్థ అభివృద్ధికి, బొగ్గు ఉత్పత్తి పెరుగుదలకు, ఉపాధి అవకాశాల విస్తరణకు దోహదపడుతుందని ఆయన అన్నారు.
రామగుండం పోలీస్ కమిషనర్ అంబర్ కిషోర్ ఝా, వార్షిక తనిఖీల్లో భాగంగా మంచిర్యాల జోన్లోని మాదారం పోలీస్ స్టేషన్ను సందర్శించారు. గిరిజనులకు స్నేహపూర్వక పోలీసింగ్ అందించాలని, ఆధునిక సాంకేతిక సేవలను ప్రజలకు చేరవేయాలని ఆయన అధికారులకు సూచించారు. స్టేషన్ నిర్వహణ, పనితీరుపై సంతృప్తి వ్యక్తం చేస్తూ సిబ్బందిని అభినందించారు.
రామకృష్ణాపూర్ పట్టణంలో ప్రధానమంత్రి నరేంద్ర మోడీ, కేంద్ర మైనింగ్ శాఖ మంత్రి గంగాపురం కిషన్ రెడ్డి చిత్రపటాలకు బీజేపీ నాయకులు పాలాభిషేకం చేశారు. సింగరేణి అభివృద్ధికి మోడీ ప్రభుత్వం తీసుకున్న నిర్ణయాలను వారు ప్రశంసించారు.
మంచి్యాల మన్ిపల్ కా్పొషన్ పిధిలోని 46వ డివిజన్ క చెందిన చింత నాగాజ ఇటీవల గండెపోటతో మణించగా, వాి కటంబ భ్యలన మంచి్యాల జిల్లా మాజీ డీీీ అధ్యక్షాల శ్ీమతి శ్ీ కొక్కిాల ప్మ్ ాగ్ ావ గా పామ్శించి, మనోధై్యాన్ని కల్పించా. ఈ కా్యక్మంలో ్థానిక కా్పొట్, కో-ఆప్షన్ భ్యల, నాయకల, కా్యక్తల పాల్గొన్నా.
ప్రజల భద్రత, నేరాల నియంత్రణ, సురక్షిత రవాణా లక్ష్యంగా బెల్లంపల్లి పట్టణంలో అధికారులు బుధవారం సాయంత్రం ప్రత్యేక అవగాహన కార్యక్రమం నిర్వహించారు. ఈ కార్యక్రమంలో భాగంగా వ్యాపార సంస్థల యజమానులకు సీసీ కెమెరాల ప్రాముఖ్యతను, ట్రాఫిక్ నిబంధనల ఆవశ్యకతను వివరించారు.
వరి ధాన్యం తరలించే వాహనాలకు జిపిఎస్ తప్పనిసరిగా అమర్చాలని జిల్లా అదనపు కలెక్టర్ (రెవెన్యూ) వి.రాములు ఆదేశించారు. ఈ నెల 20వ తేదీ నాటికి వాహనాలన్నింటికీ జిపిఎస్ ట్రాకింగ్ తప్పనిసరిగా అమర్చాలని రవాణా గుత్తేదారులను ఆయన ఆదేశించారు.
రామగుండము పోలీస్ కమీషనరేట్ పరిధిలో దేవాలయాల్లో వరుస దొంగతనాలకు పాల్పడుతున్న ఒక నిందితుడిని పోలీసులు అరెస్ట్ చేశారు. అతని వద్ద నుంచి 900 గ్రాముల వెండి వస్తువులు, 65,000 రూపాయల నగదు, ఒక VIVO మొబైల్ ఫోన్ ను స్వాధీనం చేసుకున్నారు. దొంగతనం కేసును త్వరితగతిన ఛేదించి, నిందితులను పట్టుకోవడంలో చాకచక్యంగా వ్యవహరించిన అధికారులను ఏసీపీ అభినందించారు.
జిల్లాలోని నిరుద్యోగ యువతకు టాస్క్ కేంద్రం ద్వారా అందిస్తున్న సాంకేతిక శిక్షణతో ముగ్గురు యువతులకు టిసిఎస్ (TCS) లో క్యాంపస్ ప్లేస్మెంట్ ద్వారా ఉద్యోగాలు లభించాయి. జిల్లా కలెక్టర్ కుమార్ దీపక్ బుధవారం నస్పూర్ లోని కలెక్టర్ ఛాంబర్ లో ఉద్యోగాలు సాధించిన జి. కావ్య, ఎమ్. అంజలి, కె. సాయివాణిలను అభినందించారు.
ఓటరు జాబితా ప్రత్యేక సమగ్ర సవరణ కార్యక్రమాన్ని వేగవంతం చేయాలని జిల్లా అదనపు కలెక్టర్ (రెవెన్యూ) వి.రాములు అన్నారు. బుధవారం నెన్నెల, మందమర్రి మండలాల్లోని పోలింగ్ కేంద్రాలను సందర్శించి బూత్ స్థాయి అధికారులకు సూచనలు చేశారు. ఎన్యుమరేషన్ ఫారాల డిజిటలైజేషన్ ప్రక్రియను త్వరితగతిన పూర్తి చేయాలని ఆదేశించారు.
ప్రభుత్వ పాఠశాలల్లో నాణ్యమైన విద్యాబోధన అందించేందుకు ప్రభుత్వం ప్రత్యేక చర్యలు చేపడుతోందని జిల్లా అదనపు కలెక్టర్ (స్థానిక సంస్థలు) & జిల్లా విద్యాశాఖ అధికారి పి. చంద్రయ్య అన్నారు. బుధవారం జిల్లా కేంద్రంలోని జిల్లా పరిషత్ బాలుర ఉన్నత పాఠశాలలో భౌతిక శాస్త్ర ఉపాధ్యాయుల శిక్షణ కార్యక్రమాన్ని ఆయన ప్రారంభించారు. విద్యార్థుల భవిష్యత్కు బలమైన పునాది వేయడంలో ఉపాధ్యాయుల పాత్ర కీలకమని, ఆధునిక బోధనా పద్ధతులను అనుసరించాలని సూచించారు.
ప్రభుత్వ పాఠశాలల్లో విద్యార్థులకు నాణ్యమైన విద్యాబోధన అందించాలని, సకల సౌకర్యాలు కల్పించాలని జిల్లా కలెక్టర్ కుమార్ దీపక్ ఆదేశించారు. బుధవారం జన్నారం మండలం అక్కపల్లిగూడలోని ప్రాథమిక పాఠశాల, కస్తూరిబా గాంధీ బాలికల విద్యాలయం, ప్రభుత్వ ఆశ్రమ పాఠశాలలను ఆయన సందర్శించి పలు సూచనలు చేశారు.
గోదావరిఖని చంద్రబాబు కాలనీలో ఎల్లపూల రమణమ్మ (65) అనుమానాస్పద మృతిపై పోలీసులు దర్యాప్తు ముమ్మరం చేశారు. సంఘటన స్థలాన్ని రామగుండం పోలీస్ కమిషనర్ అంబర్ కిషోర్ ఝా పరిశీలించి, కేసు పురోగతిపై అధికారులతో సమీక్షించారు. మృతురాలి ఇంట్లో బంగారు ఆభరణాలు కనిపించకపోవడంతో ఈ ఘటనపై అనుమానాలు వ్యక్తమవుతున్నాయి.
59వ డివిజన్ కార్పొరేటర్ మాదంశెట్టి సత్యనారాయణ ఆధ్వర్యంలో SIR ఫారాలను నింపడంపై ప్రజలకు అవగాహన కల్పించేందుకు ఒక ప్రత్యేక కార్యక్రమం నిర్వహించారు. డివిజన్ ప్రజలందరికీ ఫారాలు నింపడంలో సహాయం అందించారు.
సింగరేణి సంస్థ హక్కుల పరిరక్షణ కోసం ఎన్నికల సమయంలో ఇచ్చిన హామీని నిలబెట్టుకున్నామని, తాడిచెర్ల కోల్ బ్లాక్–2 కేటాయింపు సింగరేణి సంస్థకే కాకుండా తెలంగాణ రాష్ట్ర అభివృద్ధికి కూడా కీలకమని పెద్దపల్లి పార్లమెంట్ సభ్యులు శ్రీ వంశీ కృష్ణ గడ్డం తెలిపారు. ఈ కేటాయింపు సింగరేణి కార్మికుల పోరాటానికి దక్కిన విజయమని ఆయన పేర్కొన్నారు.
మంచిర్యాల జిల్లా నస్పూర్ మండలంలోని సంఘ మల్లయ్య పల్లె దర్గాలో ఫయాజ్ బాబా ఆధ్వర్యంలో మూడు రోజుల పాటు జరిగే ఊరుస్ ఉత్సవాల పండుగ ప్రారంభమైంది. కుల, మతాలకు అతీతంగా మూడు రోజుల పాటు అన్నదాన కార్యక్రమం నిర్వహిస్తున్నారు. ఈ ఉత్సవాలకు వివిధ ప్రాంతాల నుంచి ముస్లిం సోదరులు అధిక సంఖ్యలో తరలివచ్చారు.