మంచేరియల్, 2026-07-10
జైపూర్ మండలంలోని ఇందారం ఎక్స్రోడ్డు వద్ద రోడ్డు ప్రమాదాల నివారణకు పోలీసులు ప్రత్యేక చర్యలు చేపట్టారు. ఎస్ఐ భూమేష్ ఆధ్వర్యంలో హెచ్చరిక బోర్డును ఏర్పాటు చేసి, వాహనదారులు, వ్యాపారులకు అవగాహన కల్పించారు. ప్రధాన రహదారిపై వాహనాలు నిలిపివేయడం, టిఫిన్ బండ్ల ఏర్పాటు వంటివి ట్రాఫిక్కు అంతరాయం కలిగిస్తాయని, ప్రమాదాలకు దారితీస్తాయని ఎస్ఐ తెలిపారు.
ప్రమాదాల నివారణకు జైపూర్ పోలీసులు ప్రత్యేక చర్యలు చేపట్టారు. మండలంలోని ఇందారం ఎక్స్రోడ్డు వద్ద రోడ్డు ప్రమాదాల నివారణకు ఎస్ఐ భూమేష్ ఆధ్వర్యంలో హెచ్చరిక బోర్డును ఏర్పాటు చేసి, వాహనదారులు, వ్యాపారులకు అవగాహన కల్పించారు.
ఈ సందర్భంగా ఎస్ఐ భూమేష్ మాట్లాడుతూ, ప్రధాన రహదారిపై వాహనాలను నిలిపివేయడం, టిఫిన్ బండ్లు ఏర్పాటు చేయడం వల్ల ట్రాఫిక్కు అంతరాయం ఏర్పడి రోడ్డు ప్రమాదాలు జరిగే అవకాశం ఉందని తెలిపారు. ఈ నేపథ్యంలో ఇందారం ఎక్స్రోడ్డు వద్ద హెచ్చరిక బోర్డును ఏర్పాటు చేసి ప్రజలను అప్రమత్తం చేస్తున్నామని పేర్కొన్నారు.
రహదారిపై ఎలాంటి టిఫిన్ బండ్లు, వ్యాపారాలు నిర్వహించకుండా సహకరించాలని, వాహనదారులు రహదారిపై వాహనాలు నిలపకుండా ట్రాఫిక్ నిబంధనలు పాటించాలని సూచించారు. ప్రజల ప్రాణ భద్రతే పోలీసు శాఖ ప్రధాన లక్ష్యమని, నిబంధనలు ఉల్లంఘించిన వారిపై చట్టపరమైన చర్యలు తీసుకుంటామని ఎస్ఐ భూమేష్ హెచ్చరించారు.
