ఓదెల, 2026-07-27
తెలంగాణ ఉద్యమకారుల ఫోరం రాష్ట్ర కన్వీనర్, జిల్లా అధ్యక్షులు గుండేటి ఐలయ్య యాదవ్, ప్రజా ప్రభుత్వం, ముఖ్యమంత్రి రేవంత్ రెడ్డి చేపట్టిన చర్యలపై కృతజ్ఞతలు, అభినందనలు తెలిపారు. ఓదెల మండల కేంద్రంలో ఏర్పాటు చేసిన విలేకరుల సమావేశంలో ఆయన ఈ విషయాలు వెల్లడించారు.
ప్రజా ప్రభుత్వానికి, ముఖ్యమంత్రి రేవంత్ రెడ్డి గారికి కృతజ్ఞతలు, అభినందనలు తెలిపారు తెలంగాణ ఉద్యమకారుల ఫోరం రాష్ట్ర కన్వీనర్, జిల్లా అధ్యక్షులు గుండేటి ఐలయ్య యాదవ్. ఓదెల మండల కేంద్రంలో ఆయన విలేకరుల సమావేశం ఏర్పాటు చేసి మాట్లాడారు.
679 జీవో నెంబర్ ద్వారా ఉద్యమకారులను గుర్తించడానికి సీఎం ఎనుముల రేవంత్ రెడ్డి ఆరుగురు సభ్యులతో కూడిన కమిటీని ఏర్పాటు చేశారు. ఈ కమిటీ సభ్యులు, వల్ల సెక్రెటరీ, అమరవీరుల జ్యోతిభవన్, జర్నలిస్టులు, అమరవీరుల కుటుంబాలు, మహిళలు, విద్యార్థులు, క్రియాశీలకంగా పనిచేసిన ఉద్యమకారులు, కవులు, కళాకారులతో సమావేశాలు నిర్వహించి, అందరి అభిప్రాయాలను సేకరించి ప్రభుత్వానికి నివేదిక సమర్పించినందుకు కమిటీ సభ్యులందరికీ ప్రత్యేకంగా అభినందనలు, కృతజ్ఞతలు తెలియజేస్తున్నామని ఐలయ్య యాదవ్ అన్నారు.
అప్పటి మేనిఫెస్టో ఎన్నికల కమిటీ చైర్మన్, ఐటీ శాఖ మంత్రి దుద్దిల్ల శ్రీధర్ బాబు, బీసీ సంక్షేమ శాఖ మంత్రి పొన్నం ప్రభాకర్ కృషి మరువలేనిదని ఆయన అన్నారు. ప్రభుత్వ విప్పు, రామగుండం శాసనసభ్యులు చింతకుంట విజయరామరావు, పెద్దపల్లి పార్లమెంట్ సభ్యులు గడ్డం వంశీకృష్ణలు ఉద్యమకారుల సమస్యలను ప్రభుత్వం దృష్టికి తీసుకెళ్లి, కాలయాపన లేకుండా వెంటనే అమలు చేయాలని కోరారు.
హైదరాబాద్ నగరంలో 250 గజాల ఇంటి స్థలంతో పాటు ఇల్లు నిర్మించుకోవడానికి పది లక్షల రూపాయలు, 25 వేల పెన్షన్, హెల్త్ కార్డ్, ఉద్యమకారుల పిల్లలు విదేశాలకు చదువుకోవడానికి వెళ్లడానికి అయ్యే ఖర్చును ప్రభుత్వం భరించాలని, బస్సు పాస్, రైలు పాస్ వంటి సంక్షేమ పథకాలను ఛత్తీస్గఢ్, జార్ఖండ్ రాష్ట్రాలలో ఇస్తున్న విధంగా అమలు చేయాలని కోరారు. ప్రజా ప్రతినిధులందరూ ఈ విషయంలో కృషి చేయాలని ఆయన విజ్ఞప్తి చేశారు.
ఈ కార్యక్రమంలో స్టేట్ జర్నలిస్టుల ఫోరం కోఆర్డినేటర్ చర్లపల్లి సురేష్ గౌడ్, జిల్లా ఉపాధ్యక్షులు పలకల నరసింహారెడ్డి, జిల్లా అధికార ప్రతినిధి కందుల అశోక్ పటేల్, జిల్లా కార్యదర్శి తోట్ల రాములు, ఓదెల మాజీ మండల అధ్యక్షులు పెండెం కొమురయ్య, పల్కపాటి సదానందం, రాచర్ల ఓదెలు, గుగులోత్ పరశ నాయక్, కరక మోహన్ రెడ్డి పాల్గొన్నారు.
