రాష్ట్ర ముఖ్యమంత్రి ఆసిఫాబాద్ జిల్లా పర్యటన నేపథ్యంలో, రాష్ట్ర ఆబ్కారీ - మధ్య నిషేధ, పర్యాటక, సాంస్కృతిక, పురావస్తు శాఖ మంత్రి జూపల్లి కృష్ణారావు ఆదివారం రాత్రి జిల్లాకు చేరుకున్నారు. ఆయన రాక సందర్భంగా జిల్లా అధికారులు ఘన స్వాగతం పలికారు.
ఉమ్మడి ఆదిలాబాద్ జిల్లా మంత్రిగా బాధ్యతలు నిర్వహిస్తున్న జూపల్లి కృష్ణారావు, నస్పూర్ మండలం సి.సి.సి. లోని సింగరేణి అతిథి గృహంలో బస చేశారు. ముఖ్యమంత్రి జిల్లా పర్యటనకు సంబంధించిన ఏర్పాట్లను సమీక్షించేందుకు ఈ పర్యటన ప్రాధాన్యత సంతరించుకుంది.
జిల్లా కలెక్టర్ కుమార్ దీపక్, రామగుండం కమిషనర్ ఆఫ్ పోలీస్ అంబర్ కిషోర్ ఝా, మంచిర్యాల డి.సి.పి. ఎ.భాస్కర్, మంచిర్యాల రాజస్వ మండల అధికారి శ్రీనివాసరావు, ఎ.సి.పి. ప్రకాష్ తదితరులు మంత్రిని మర్యాదపూర్వకంగా కలిసి స్వాగతం పలికి, మొక్కలను అందజేశారు.
ముఖ్యమంత్రి పర్యటనలో భాగంగా చేపట్టనున్న వివిధ కార్యక్రమాలపై మంత్రి కృష్ణారావు అధికారులతో చర్చించనున్నట్లు సమాచారం. జిల్లా అభివృద్ధికి సంబంధించిన కీలక అంశాలపై కూడా చర్చ జరిగే అవకాశం ఉంది.
