మంచేరియల్, 2026-07-11
దేశంలో 75 ఏళ్లుగా కొనసాగుతున్న పార్టీల రాజకీయం వల్ల ప్రజాస్వామ్యం కేవలం పేరుకే పరిమితమైందని, టికెట్ల కేటాయింపు నుంచి మంత్రి పదవుల వరకు ఒకే కుటుంబం, డబ్బు నిర్ణయిస్తున్నాయని బీసీ కులాల ఉద్యమ పోరాట సంఘం తెలంగాణ రాష్ట్ర మహిళా విభాగం అధ్యక్షురాలు, హైకోర్టు న్యాయవాది పేరం అలేఖ్య అన్నారు. యోగ్యత కలిగిన బీసీ, ఎస్సీ, ఎస్టీ నేతలకు రాజకీయాల్లో చోటు లేకుండా పోతోందని ఆమె ఆవేదన వ్యక్తం చేశారు.
దేశంలో 75 ఏళ్లుగా కొనసాగుతున్న పార్టీల రాజకీయం వల్ల ప్రజాస్వామ్యం కేవలం పేరుకే మిగిలిందని, పార్టీ టికెట్ నుంచి మంత్రి పదవి వరకు ఒకే కుటుంబం, ఒకే డబ్బు నిర్ణయిస్తున్నాయని బీసీ కులాల ఉద్యమ పోరాట సంఘం తెలంగాణ రాష్ట్ర మహిళా విభాగం అధ్యక్షురాలు, హైకోర్టు న్యాయవాది పేరం అలేఖ్య అన్నారు. దీనితో యోగ్యత ఉన్న బీసీ, ఎస్సీ, ఎస్టీ నేతలకు రాజకీయాల్లో చోటు లేకుండా పోతోందని ఆమె ఆవేదన వ్యక్తం చేశారు.
రాష్ట్రంలో బీసీలు 52% ఉన్నప్పటికీ, అసెంబ్లీలో 15% కేబినెట్లో 20% రిజర్వేషన్లకు పరిమితం అవుతున్నారని, విద్య, ఉద్యోగం, వ్యవసాయం, రాజకీయం.. ఇలా ప్రతిచోటా బీసీలకు అన్యాయం జరుగుతోందని ఆమె పేర్కొన్నారు. అందుకే తమ డిమాండ్ 'పార్టీస్వామ్యం వద్దు, బీసీ రాజ్యాధికారం ముద్దు' అని స్పష్టం చేశారు.
పార్టీ వ్యవస్థలో రిజర్వేషన్లు తెచ్చి, టికెట్ కేటాయింపుల్లో బీసీలకు 50% రిజర్వేషన్ కల్పించాలని, బీసీ నేతలకు సీఎం, డిప్యూటీ సీఎం, చీఫ్ మినిస్టర్ పదవుల్లో అవకాశం ఇవ్వాలని ఆమె కోరారు. సామాజిక న్యాయం, రాజ్యం కోసం బీసీ అధికారాన్ని స్థాపించాలని పిలుపునిచ్చారు. పార్టీలు బీసీలను ఓటు బ్యాంకుగా మాత్రమే వాడుకుంటున్నాయని, అధికారం ఇచ్చే సమయంలో ముఖం తిప్పుకుంటున్నాయని, ఇది ఇకపై సహించబోమని హెచ్చరించారు. సామాజిక న్యాయం కోసం, సమాన అవకాశం కోసం పోరాటం చేస్తామని ఆమె తెలిపారు.
