మంచిర్యాల మున్సిపల్ కార్పొరేషన్ ఆధ్వర్యంలో సద్దుల బతుకమ్మ ఉత్సవాలను ఘనంగా నిర్వహించారు. మున్సిపాలిటీ కార్యాలయంలో జరిగిన ఈ వేడుకల్లో మేయర్ డి. మధుకర్, డిప్యూటీ మేయర్ సల్ల రమ్యా మహేష్, మున్సిపల్ కమిషనర్, కార్పొరేటర్లు పాల్గొన్నారు.
మంచిర్యాల మున్సిపల్ కార్పొరేషన్ ఆధ్వర్యంలో సద్దుల బతుకమ్మ ఉత్సవాలను ఘనంగా నిర్వహించారు. మున్సిపాలిటీ కార్యాలయంలో మేయర్ డి. మధుకర్, డిప్యూటీ మేయర్ సల్ల రమ్యా మహేష్, మున్సిపల్ కమిషనర్, కార్పొరేటర్లు కలిసి మిఠాయిలు పంచుకుని బతుకమ్మ సంబరాలను అత్యంత ఉత్సాహంగా జరుపుకున్నారు.
ఈ సందర్భంగా మేయర్ డి. మధుకర్ మాట్లాడుతూ, బతుకమ్మ ఉత్సవాలు మహిళలకు ఎంతో ఉత్సాహాన్ని, ఆనందాన్ని అందిస్తాయని అన్నారు. తెలంగాణ సంస్కృతి, సంప్రదాయాలను కాపాడడంలో, భావితరాలకు అందించడంలో ఈ ఉత్సవాలు ఎంతో ఉపయోగపడతాయని కొనియాడారు.
తెలంగాణ ఆడబిడ్డల ఆత్మగౌరవానికి ప్రతీక అయిన బతుకమ్మ పండుగను అందరూ కలిసి ఘనంగా జరుపుకోవాలని ఆయన పిలుపునిచ్చారు.
ఈ కార్యక్రమంలో మున్సిపల్ సిబ్బంది, కార్పొరేటర్లు, మహిళా ఉద్యోగులు పాల్గొన్నారు.
