బీజేపీ మంచిర్యాల జిల్లా సీనియర్ నాయకుడు, మాజీ అధ్యక్షుడు శ్రీ ముల్కల్ల మల్లారెడ్డి గురువారం అనారోగ్యంతో కన్నుమూశారు. ఆయన పార్టీ జిల్లా అధ్యక్షుడిగా, రాష్ట్ర కార్యవర్గ సభ్యుడిగా సుదీర్ఘకాలం సేవలందించారు. ఆయన మృతిపై పార్టీ శ్రేణులు తీవ్ర దిగ్భ్రాంతి వ్యక్తం చేశాయి.
మంచిర్యాల పట్టణంలోని 7వ డివిజన్ పరిధిలోని పలు కాలనీలు, గ్రామ పంచాయతీ ప్రజల కోసం 26.07.2026 ఆదివారం ఉదయం 8 నుండి 11 గంటల వరకు ఉచిత మెగా వైద్య శిబిరం నిర్వహించబడుతుంది. 7వ డివిజన్ కార్పొరేటర్ ఎల్పుల రవీందర్ ఆధ్వర్యంలో, అపోలో రీచ్ హాస్పిటల్, కరీంనగర్ సహకారంతో ఈ శిబిరం ఏర్పాటు చేస్తున్నారు.
అడవే ఊరుగా, ప్రకృతే శ్వాసగా జీవించే ఆదివాసీల జీవన విధానాన్ని, వారి సంస్కృతిని గౌరవించాలని, అడవులను కాపాడుకుంటూ వారికి అండగా నిలవాలని మంజుల పత్తిపాటి తన రచన ద్వారా పిలుపునిచ్చారు. వారి ఉనికిని కనికరంతో కాకుండా గౌరవంతో చూడాలని ఆమె కోరారు.
ఉమ్మడి ఆదిలాబాద్ జిల్లా వ్యాప్తంగా చేపడుతున్న సాధారణ ల్లో భాగంగా డిప్యూటీ ట్రాన్స్పోర్ట్ కమిషనర్ రవీందర్ కుమార్,మంచిర్యాల ఆర్టీఓ కార్యాలయాన్ని సందర్శించారు. జిల్లా రవాణా అధికారి గోపికృష్ణతో కలిసి ఆయన కార్యాలయ పనితీరు, రిలక్ష్యాలను పరిశీలించారు. చేరుకోవాలనిదారులకు సకాలంలో ఆర్సి,, కార్డులు అందించాలని
మంచిర్యాల జిల్లాలో ఎరువుల అక్రమ అమ్మకాలపై అధికారులు దృష్టి సారించారు. గరిష్ట చిల్లర ధర కంటే ఎక్కువ ధరకు అమ్మకాలు జరిపితే కఠిన చర్యలు తప్పవని జిల్లా వ్యవసాయ అధికారిణి ఇ. సురేఖ హెచ్చరించారు. బుధవారం జైపూర్ మండలంలో పలు ఎరువుల విక్రయ కేంద్రాలపై ఆమె ఆకస్మిక తనిఖీలు నిర్వహించారు.
తెలంగాణ రాష్ట్ర ప్రభుత్వ విప్, పెద్దపల్లి శాసనసభ్యులు చింతకుంట విజయరామణారావు ఆధ్వర్యంలో విద్యార్థులు, నిరుద్యోగుల తరపున ప్రధాని మోడీ దిష్టిబొమ్మను దహనం చేశారు. విద్యార్థులపై లాఠీచార్జ్ ను ఖండించారు.
పెద్దపల్లి పట్టణంలో మహిళా పోలీస్ స్టేషన్ వెయిటింగ్ హాల్, మున్సిపల్ కార్యాలయంలో కొత్త జేసీబీ వాహనాన్ని గౌరవ ప్రభుత్వ విప్, ఎమ్మెల్యే శ్రీ. చింతకుంట విజయరమణ రావు గారు ప్రారంభించారు. ఈ అభివృద్ధి కార్యక్రమాలకు మొత్తం రూ. 72 లక్షలు ఖర్చయ్యాయి.
నేరాల నియంత్రణతో పాటు ప్రజల ప్రాణాలు, ఆస్తుల రక్షణలో సీసీ కెమెరాలు కీలక పాత్ర పోషిస్తాయని జైపూర్ ఏసీపీ వెంకటేశ్వర్ అన్నారు. బుధవారం సర్పంచులతో జరిగిన సదస్సులో ఆయన మాట్లాడుతూ, ప్రతి ఒక్కరూ సీసీ కెమెరాల ఏర్పాటుకు సహకరించాలని పిలుపునిచ్చారు. రోడ్డు భద్రతా నిబంధనలు తప్పనిసరిగా పాటించాలని సూచించారు.
క్యాతన్ పల్లి మున్సిపల్ కమిషనర్ మురళీకృష్ణ పట్టణ ప్రజలను హెచ్చరించారు. పుర వీధులు, ప్రధాన రహదారుల్లో ఆవులు, గేదెలను విచ్చలవిడిగా వదిలిపెడితే కఠిన చర్యలు తప్పవని ఆయన స్పష్టం చేశారు. రోడ్లపై తిరిగే పశువుల వల్ల ప్రమాదాలు జరుగుతున్నాయని ఆందోళన వ్యక్తం చేశారు.
విద్యార్థులు, ప్రజా సమస్యలపై పోరాడుతున్న కాంగ్రెస్ అగ్రనేత రాహుల్ గాంధీని కేంద్ర ప్రభుత్వం అక్రమంగా అరెస్టు చేసిందని ఆరోపిస్తూ, కాంగ్రెస్ పార్టీ మంచిర్యాల కార్పొరేషన్ ఆధ్వర్యంలో గాంధీ పార్క్ లోని గాంధీ విగ్రహం వద్ద నిరసన కార్యక్రమం చేపట్టింది. మంచిర్యాల శాసన సభ్యులు శ్రీ కొక్కిరాల ప్రేమ్ సాగర్ రావు గారి ఆదేశాల మేరకు ఈ నిరసన జరిగింది.
మంచిర్యాల మున్సిపల్ కార్పొరేషన్ పరిధిలోని 39వ డివిజన్లో వర్షాకాలం దృష్ట్యా తీసుకుంటున్న జాగ్రత్తలపై మేయర్ శ్రీ దర్ని మధుకర్, డిప్యూటీ మేయర్ సల్ల రమ్య మహేష్, కమిషనర్ జీ. అన్వేష్, అదనపు కలెక్టర్ శ్రీ చంద్రయ్యతో కలిసి పర్యటించారు. ఈ సందర్భంగా అధికారులకు తగిన సూచనలు చేశారు. ప్రజలకు సైతం పలు సూచనలు చేశారు.
మహిళా స్వయం సహాయక సంఘాల ఆర్థిక సాధికారతను బలోపేతం చేసేందుకు బ్యాంకులు కీలక పాత్ర పోషించాలని జిల్లా అదనపు కలెక్టర్ (స్థానిక సంస్థలు) పి.చంద్రయ్య అన్నారు. బుధవారం జిల్లా గ్రామీణ పేదరిక నిర్మూలన సంస్థ ఆధ్వర్యంలో జరిగిన బ్యాంక్ లింకేజ్ అంశంపై అవగాహన శిక్షణా కార్యక్రమంలో ఆయన మాట్లాడుతూ, మహిళా సంఘాలకు సకాలంలో రుణాలు అందేలా బ్యాంకులు, సెర్ప్ మధ్య సమన్వయం అవసరమని తెలిపారు.
రామగుండం పోలీస్ కమిషనరేట్ పరిధిలోని తాండూర్ పోలీస్ స్టేషన్ను మంచిర్యాల డీసీపీ ఎగ్గడి భాస్కర్ వార్షిక తనిఖీల్లో భాగంగా సందర్శించారు. ఈ సందర్భంగా ఆయన పోలీసు సిబ్బందికి పలు కీలక ఆదేశాలు జారీ చేశారు. శాంతిభద్రతల పరిరక్షణలో అప్రమత్తంగా ఉండాలని, ప్రజలతో సత్సంబంధాలు పెంపొందించుకోవాలని సూచించారు.
జిల్లాలో పెండింగ్ లో ఉన్న సాదాబైనామా, భూభారతి దరఖాస్తులను వేగవంతంగా పరిష్కరించాలని జిల్లా అదనపు కలెక్టర్ (రెవెన్యూ) వి.రాములు ఆదేశించారు. బుధవారం చెన్నూర్ మండల తహసీల్దార్ కార్యాలయాన్ని సందర్శించిన ఆయన, ఓటర్ల ప్రత్యేక సమగ్ర సవరణ ప్రక్రియ పురోగతిని కూడా సమీక్షించారు.
ప్రభుత్వ పాఠశాలల్లో విద్యార్థులకు సకల సదుపాయాలతో కూడిన నాణ్యమైన విద్యను అందించాలని, బాలికల భద్రత దృష్ట్యా సీసీ కెమెరాలు ఏర్పాటు చేయాలని జిల్లా కలెక్టర్ కుమార్ దీపక్ అన్నారు. బుధవారం నస్పూర్ మండలంలోని కస్తూరిబా గాంధీ బాలికల విద్యాలయాన్ని ఆయన సందర్శించి, భద్రతా చర్యలు, నిర్మాణ పనులను పరిశీలించారు. ఓటరు జాబితా సవరణ ప్రక్రియ, భూభారతి, రెవెన్యూ సదస్సుల దరఖాస్తుల పరిష్కారంపై కూడా ఆయన సమీక్షించారు.
మంచిర్యాల పట్టణంలో బుధవారం యూట్యూబ్ కళాకారులు నిర్వహించిన బోనాల జాతర ఆకట్టుకుంది. జిల్లా నలుమూలల నుంచి 300 మంది కళాకారులు పాల్గొని, ఆటపాటలతో సందడి చేశారు. ఈ కార్యక్రమానికి స్థానిక ప్రముఖులు హాజరై, కళాకారులను ప్రోత్సహించారు.
పరీక్షనీట్పపర్లీకజీ,పరీక్షలనిర్వహణలోఅవకతవకలు,ప్రతిపక్షఎంపీలఅరెస్టులనునిరసిస్తూరమకృష్ణపూర్లోకంగ్రెస్పర్టీఆధ్వర్యంలోనల్లబ్యడ్జీలుధరించినిరసనకర్యక్రమంజరిగింది.కంద్రప్రభుత్వంవిద్యర్థులజీవితలతోఆడుకుంటోందని,పరీక్షలనిర్వహణలోవిఫలమైందనికంగ్రెస్నయకులువిమర్శించరు.
కేంద్ర ప్రభుత్వ మొండి వైఖరిని నిరసిస్తూ మందమర్రి పట్టణ కాంగ్రెస్ పార్టీ ఆధ్వర్యంలో నల్ల బ్యాడ్జీలు ధరించి నిరసన తెలిపారు. ఢిల్లీలో యువత, మహిళలపై లాఠీఛార్జ్, రాహుల్ గాంధీ, ప్రియాంక గాంధీల అరెస్టు, ఇతర ఎంపీల పట్ల దురుసు ప్రవర్తనకు నిరసనగా ఈ ఆందోళన చేపట్టారు. ఈ కార్యక్రమంలో డిసిసి అధ్యక్షులు రఘునాథ్ రెడ్డి పాల్గొని కేంద్ర ప్రభుత్వ వైఖరిపై నిరసన గళం వినిపించారు.
మందమర్రి పట్టణంలోని శ్రీ శ్రీ శ్రీ త్రిశక్తి అష్టలక్ష్మి మహాకాళి దేవాలయంలో ఆషాడ గుప్త నవరాత్రులలో భాగంగా వారాహి నవరాత్రులు ఎనిమిదవ రోజు పురస్కరించుకొని వైభవంగా వేడుకలు జరిగాయి. కుల సంప్రదాయాల ప్రకారం వారాహి దేవికి విశేష అభిషేక అలంకరణ, యంత్ర పూజ, మంత్ర వారాహి యాజ్ఞం నిర్వహించారు.
నీట్ పేపర్ లీకేజీ నేపథ్యంలో లోక్సభ ప్రతిపక్ష నేత రాహుల్ గాంధీ, ప్రధాన మంత్రి నరేంద్ర మోదీ ఇంటి ముందు ధర్నా చేపట్టడాన్ని నిరసిస్తూ లక్షెట్టిపేట్ బీజేపీ ఆధ్వర్యంలో నిరసన కార్యక్రమం నిర్వహించారు. ఈ కార్యక్రమానికి బీజేపీ రాష్ట్ర ఉపాధ్యక్షులు రఘునాథ్ వెరబెల్లి హాజరయ్యారు.